07:45, 14 - ماۋسىم 2021 | GMT +6
التىنشى قاباتتان قۇلاعان ءسابي امان قالدى
ۆيتەبسك. بەلتا- قازاقپارات - ۆيتەبسكىدە ءبىر جارىم جاسار بالا التىنشى قاباتتاعى تەرەزەدەن قۇلاپ كەتتى، دەپ حابارلايدى قازاقپارات بەلتا اگەنتتىگىنە سىلتەمە جاساپ.
تەرگەۋ كوميتەتىنىڭ مالىمەتتەرى بويىنشا، ۆيتەبسك قالاسىنداعى ينتەرناتسيوناليست - جاۋىنگەرلەر كوشەسىندەگى پاتەردە ءبىر جارىم جاسار بالا اعالارىمەن ويناپ جۇرگەن. شامامەن ساعات 19.00-دە ول تەرەزەنىڭ بەكىتىلمەگەن قاناتىن اشىپ، موسكيت تورىنا سۇيەنگەن. تور ونى ۇستاپ تۇرا المادى - بالا التىنشى قابات تەرەزەسىنەن قۇلاپ كەتتى»، - دەدى تەرگەۋ كوميتەتىنەن. ءسابيدىڭ اناسى وقيعادان ءسال بۇرىن باسقا بولمەگە كەتكەن بولىپ شىقتى.
جاراقات العان بالا اۋرۋحاناعا جاتقىزىلدى. جەدەل- تەرگەۋ توبى وقيعا بولعان جەردى قارادى. سوت- مەديتسينالىق ساراپتاما تاعايىندالدى، جابىرلەنۋشىنىڭ اتا- انالارى سۇرالدى. وتباسىنىڭ الەۋمەتتىك جاعدايى ءتاۋىر ەكەندىگى جانە وڭ سيپاتتالاتىندىعى انىقتالدى.