شاعانتوعاي پەتروگليفتەرى ەجەلگى تۇركىلەردىڭ تاسقا باسقان تاڭباسى - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

شاعانتوعاي پەتروگليفتەرى ەجەلگى تۇركىلەردىڭ تاسقا باسقان تاڭباسى - CNR

قىتايدىڭ تارباعاتاي ايماعىنىڭ شاعانتوعاي اۋدانى ەجەلگى زاماننىڭ تاريحي- مادەني قۇندىلىقتارىنا باي ءوڭىر، سونىڭ ىشىندە كوپ كەزدەسەتىن ەجەلگى جارتاس سۋرەتتەرى كوركەم گالەرەيانى قۇرايدى، دەپ جازادى قىتايلىق kazakcnr.com سايتى.

اتالعان ب ا ق- تىڭ جازۋىنشا، سوڭعى ۋاقىتتاردا شاعانتوعاي ەجەلگى پەتروگليفتەرى تاريح، ارحەولوگيا جانە ونەر سالالارى بويىنشا مامانداردىڭ نازارىن كوبىرەك اۋدارىپ ءجۇر. بۇل اشىق اسپان استىنداعى ونەر مۇراجايىنداعى جارتاس سۋرەتتەرىنىڭ مازمۇنى اڭ اۋلاۋ، مال جايۋ، بيلەۋ، ءدىني عۇرىپتار جانە ءۇي جانۋارلارى مەن جابايى اڭداردىڭ بەينەسى بولىپ كەلەدى. پەتروگليفتەگى بەينەلەر تابيعاتتى، حالىق تىرشىلىگىن انىق كورسەتىپ بەرگەن. ولار كوركەمدىك تۇرعىدان دا ورەلى تۋىندىلار بولىپ سانالادى.

«شاعانتوعاي اۋدانىندا ەجەلگى جارتاس سۋرەتتەرى كوپ كەزدەسەدى. ولار چۇرچۇت جارتاس سۋرەتى، قاراشوقى جارتاس سۋرەتى، قىزىلتاسبۇلاق جارتاس سۋرەتى، بارلىق تاۋى جارتاس سۋرەتى جانە جۇرتقا كەڭ تانىلعان بارداقۇل ەجەلگى جارتاس سۋرەتتەرى دەپ اتالىپ ءجۇر. تەڭىز دەڭگەيىنەن 816 مەتر بيىكتىكتە ورنالاسقان وسى پەتروگليفتەردى زەرتتەگەن ماماندار بۇل جارتاس سۋرەتتەرىن ەجەلگى تۇركىلەردىڭ 3500 جىلدان بۇرىنعى تاسقا باسقان تاڭباسى دەپ تانىعان. پەتروگليفتەگى بەينەلەر حالىق تىرشىلىگىن انىق كورسەتەدى. ال وسى ەجەلگى ءداۋىردىڭ قۇندى مۇراسى 2003 -جىلى مەملەكەتتىڭ ماتەريالدى ەمەس مادەني مۇرالارى قاتارىنا قوسىلىپ، تاريحي- تۋريستىك نىسان بولىپ بەلگىلەنىپ، قورعاۋعا الىنعان»، - دەپ جازادى CNR سايتى.

ءا چ-2022 ىرىكتەۋ: وزبەكستان قۇراماسى سينگاپۋردى ءىرى ەسەپپەن جەڭدى - «ءوزا» اقپاراتتىق اگەنتتىگى

فۋتبولدان 2022 -جىلى قاتاردا وتەتىن الەم چەمپيوناتىنا ىرىكتەۋ ويىندارى اياسىندا وزبەكستان قۇراماسى سينگاپۋردى ءىرى ەسەپپەن جەڭىپ، ءۇش ۇپايعا يە بولدى، دەپ جازادى وزبەكستاننىڭ «ءوزا» اگەنتتىگى.

«ويىننىڭ العاشقى بولىگىندە وزبەكستان قۇراماسىنىڭ ب ا ءا كلۋبىندا دوپ تەبەتىن جالوليددين ماشاريپوۆ سينگاپۋر قاقپاسىنا ەكى گول سوقتى جانە تايم سوڭىنا قاراي يتاليا ا سەرياسىنداعى «دجەنوا» كلۋبىنىڭ شابۋىلشىسى ەلدور شامۋرادوۆ ەسەپتى 3:0 قالپىنا جەتكىزدى. ەكىنشى تايمدا قازىرگى كەزدە قىتايلىق كلۋبتا وينايتىن اديل احمەدوۆ ءتورتىنشى گولدى سوقتى. ال قارسىلاس كوماندانىڭ شابۋىلشىسى يرفون فاندي ءوز قاقپاسىنا سوعىلعان بەسىنشى گولدىڭ اۆتورى اتاندى. وسىلايشا كەزدەسۋ 5:0 ەسەبىندە وزبەكستان قۇراماسىنىڭ جەڭىسىمەن اياقتالدى. قازىرگى ۋاقىتتا «D» توبىندا ساۋد ارابياسى كوش باستاپ كەلەدى - 14 ۇپاي. ال وزبەكستان قۇراماسى 6 ويىن قورىتىندىسى بويىنشا 12 ۇپايعا يە»، - دەپ جازادى «ءوزا» اقپاراتتىق اگەنتتىگى.

«قىز قۋۋ» ماتەريالدى ەمەس مادەني مۇرا قاتارىنا قوسىلدى - «جەنمين جيباو»

شىنجاڭ ولكەسىنىڭ 14 مادەني مۇراسى قىتايدىڭ 5- توپتاعى مەملەكەتتىك ماتەريالدى ەمەس مادەني مۇرالار تىزىمىنە ەنگىزىلدى، دەپ جازادى قىتايلىق kazakh.people.com سايتى.

اتالعان ب ا ق- تىڭ جازۋىنشا، قىتايدىڭ مەملەكەتتىك كەڭەسى 5 - توپتاعى مەملەكەتتىك ماتەريالدى ەمەس مادەني مۇرالار ءتىزىمىنىڭ جاڭارتىلعان نۇسقاسىنا 31 ولكە مەن گونكونگ، ماكاو سەكىلدى جەرلەردەن 325 مادەني مۇرا قوسىلعان. بۇلاردىڭ ىشىندە قازاق، ورىس، تاتار، ۇيعىر، موڭعول، سىبە سەكىلدى قىتايداعى 7 سانى از ۇلتتاردان 8 مادەني مۇرا تاڭدالعان. قازىرگە دەيىن مەملەكەتتىك كەڭەس 1557 ءتۇرلى مەملەكەتتىك ماتەريالدى ەمەس مادەني مۇرانى تىركەۋگە العان.

«شىنجاڭنان مەملەكەتتىك ماتەريالدى ەمەس مادەني مۇرالار قاتارىنا شاۋەشەك قالاسىنداعى ورىس ۇلتىنىڭ حالىق ءبيى، قۇلجا قالاسىنداعى ورىس ۇلتىنىڭ بايان مۋزىكالىق اسپابى، شىڭگىل اۋدانىنىڭ قىز قۋۋى (قازاق ۇلتىنىڭ ءداستۇرلى ويىنى)، كەريا اۋدانىنىڭ يمەك تاياقتى دوبى (ۇيعىر ۇلتىنىڭ يمەك تاياقتى دوبى)، مورىي قازاق اۆتونوميالى اۋدانىنداعى قازاق ۇلتىنىڭ كەستە ونەرى، ۇيعىر ەمشىلىگى (حوتان ءدارى شاي جاساۋ ونەرى)، تاتار ۇلتىنىڭ ءداستۇرلى بال باۋىرساق جاساۋ ونەرى، ماقال- ماتەل (قازاق ۇلتىنىڭ ماقال- ماتەلى)، موڭعول ۇلتىنىڭ حالىق ءانى (اراسان اۋدانىنداعى موڭعول ۇلتىنىڭ قىسقا قايىراتىن حالىق ءانى)، ءداستۇرلى ساداق اتۋ ونەرى (سىبە ۇلتىنىڭ)، ءداستۇرلى مىس قۇرالدارىن جاساۋ ونەرى (قاشقار ايماعىنداعى ۇيعىر ۇلتىنىڭ مىس قۇرالدارىن جاساۋ ونەرى) سەكىلدى مادەني مۇرالار ەنگەن»، - دەپ جازادى People Daily.

ۆاكسينا قابىلداعان موڭعوليا ازاماتتارى قازاقستانعا ەمىن- ەركىن كىرە الادى - Kaznews

12- ماۋسىمنان باستاپ ۆەنگريا، تايلاند، موڭعوليادا ۆاكسينا العاندار قازاقستانعا ەمىن- ەركىن كىرە الادى، دەپ جازادى موڭعوليانىڭ Kaznews اقپاراتتىق پورتالى.

«ق ر- نىڭ مەملەكەتتىك باس سانيتارلىق دارىگەرىنىڭ قاۋلىسىنا سايكەس، قازاقستان رەسپۋبليكاسىنىڭ اۋماعىندا ۆەنگريا، تايلاند جانە موڭعوليا ازاماتتارىنىڭ قولىنداعى ۆاكسينالاۋ تۋرالى پاسپورتتىڭ، سەرتيفيكاتتىڭ، انىقتامانىڭ كۇشى بار دەپ تانىلسىن»، دەلىنگەن سەنبىدە جاريالانعان قاۋلىدا.

وسىلايشا، كولىكتەگى سانيتارلىق- ەپيدەميولوگيالىق باقىلاۋ كوميتەتىنىڭ اۋماقتاعى دەپارتامەنتتەرى، مەملەكەتتىك كىرىستەر ورگاندارىنىڭ قۇرىلىمدىق بولىمشەلەرى قازاقستان شەكاراسىنان ۆەنگريا، تايلاند پەن موڭعوليا ازاماتتارىن ەش كەدەرگىسىز وتكىزەدى. اتالعان مەملەكەتتەردەن كەلگەن ازاماتتاردىڭ قولىندا ءتيىستى قۇجاتى بولۋى كەرەك»، - دەپ جازدى Kaznews.

الانيادا اباي ساياباعى اشىلدى - TRT

12- ماۋسىم كۇنى تۇركيانىڭ انتاليا قالاسىنا قاراستى الانيا اۋدانىندا قازاقتىڭ ۇلى اقىنى، كومپوزيتورى، ويشىلى اباي اتىنداعى ساياباق جانە ەسكەرتكىش اشىلدى، دەپ حابارلايدى تۇركيا راديو تەلەۆيزيا پورتالى.

«ساياباقتىڭ اشىلۋ سالتاناتىنا قازاقستاننىڭ تۇركياداعى وكىلەتتى جانە توتەنشە ەلشىسى ابزال ساپاربەك ۇلى، الانيا اۋدانىنىڭ اكىمى ادەم مۋرات يۋدجەل، قازاقستاننىڭ الانياداعى قۇرمەتتى كونسۋلى احمەت دجەبەدجي، قازاقستاننىڭ انتالياداعى كونسۋلى ماۋلەن ىبرايكۋلوۆ جانە جەرگىلىكتى قازاق دياسپوراسى، قوناقتار مەن ب ا ق وكىلدەرى قاتىستى»، - دەپ جازادى TRT.

اۆتور: باقىتجول كاكەش