+7 (701) 759 90 19
20 °С : نۇر-سۇلتان
21 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

اۋىر اتلەتيكا: زۋلفيا چينشانلو وليمپيادا جولداماسىن ەنشىلەدى

12 ماۋسىم 13:42
:ءبولىسۋ
اۋىر اتلەتيكا: زۋلفيا چينشانلو وليمپيادا جولداماسىن ەنشىلەدى

نۇر- سۇلتان. قازاقپارات - حالىقارالىق اۋىر اتلەتيكا فەدەراتسياسى توكيوداعى جازعى وليمپيادا ويىندارىنا جولداما العان سپورتشىلار ءتىزىمىن جاريالادى، دەپ حابارلايدى قازاقپارات Olympic.kz سايتىنا سىلتەمە جاساپ.

قازاقستان قۇراماسىنان ايەلدەر اراسىندا 55 كەلىگە دەيىنگى سالماق دارەجەسىندە زۋلفيا چينشانلو، ال ەرلەر اراسىندا 61 كەلىگە دەيىنگى سالماقتا يگور سون ەل نامىسىن وسى جازدىڭ باستى باسەكەسىندە قورعايدى.

ىرىكتەۋ كەزەڭىندە 3628,3941 ۇپاي جيناعان زۋلفيا چينشانلو الەمدىك رەيتينگتىڭ ءتورتىنشى ساتىسىندا تۇر. يگور سون 3015.0319 ۇپايمەن توعىزىنشى ورىنعا جايعاسقان. قازاقستاندىق اۋىر اتلەت توكيو وليمپياداسىنا قۇرلىقتىق كۆوتا بويىنشا جولداما الدى.

ەستەرىڭىزگە سالا كەتەيىك، حالىقارالىق فەدەراتسيانىڭ شەشىمى بويىنشا 2008-2020 -جىلدار ارالىعىندا دوپينگكە قارسى ەرەجەلەردى 20-دان استام بۇزعان ەلدەر توكيو وليمپياداسىنا ەكى سپورتشىدان عانا (ءبىر ايەل جانە ءبىر ەر) جىبەرە الادى. بۇگىندە قازاقستان قورجىنىندا وليمپيادا ويىندارىنا سپورتتىڭ 26 تۇرىنەن 69 ليسەنزيا بار.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات