12:41, 12 - ماۋسىم 2021 | GMT +6
قىتايدىڭ وڭتۇستىگىندە مەتيلفورمياتتىڭ اعىپ كەتۋىنەن سەگىز ادام كوز جۇمدى
بەيجىڭ. قازاقپارات - گۋيان قالاسىندا (گۋيجوۋ پروۆينسياسىنىڭ اكىمشىلىك ورتالىعى، وڭتۇستىك قىتاي) مەتيلفورمياتتىڭ اعىپ كەتۋى سالدارىنان كەمىندە سەگىز ادام كوز جۇمدى، تاعى ءۇش ادام زارداپ شەكتى، دەپ حابارلايدى قازاقپارات قىتايدىڭ ورتالىق تەلەارناسىنا سىلتەمە جاساپ.
تەلەارنانىڭ حابارلاۋىنشا، سەنبى كۇنى جەرگىلىكتى ۋاقىت بويىنشا ساعات 00:12-دە گۋياننىڭ قوعامدىق قاۋىپسىزدىك باسقارماسىنا قالانىڭ ەكونوميكالىق جانە تەحنولوگيالىق دامۋ ايماعىنىڭ اۋماعىندا ىشىندە مەتيلفورمياتى بار ىدىستاردى ءتۇسىرۋ كەزىندە جۇمىسشىلاردىڭ بىرەۋى ەسىنەن تانىپ قالعانى تۋرالى حابار كەلىپ تۇسكەن.
الدىن الا تەرگەۋگە سايكەس، وقيعا «سانتسيانسينسين» حيميالىق ساۋدا كومپانياسىنىڭ عيماراتىندا بولعان. مەتيلفورمياتى بار ىدىستاردى ءتۇسىرۋ كەزىندە كولىك قۇرالىنان سۇيىقتىق اعىپ، سالدارى ادام ولىمىنە اكەپ سوققان. زارداپ شەككەندەردىڭ بارلىعى مەديتسينالىق مەكەمەلەرگە جەتكىزىلدى. وقيعا ورنىندا ۋلى زاتتاردى جويۋ جۇمىستارى جۇرگىزىلۋدە. وقيعانىڭ سەبەپتەرى انىقتالۋدا، تەرگەۋ امالدارى جۇرگىزىلىپ جاتىر.
اۆتور: اياۋلىم التىنبەك