+7 (701) 759 90 19
20 °С : نۇر-سۇلتان
21 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

فۋتبولدان ەۋروپا چەمپيوناتى: يتاليا تۇركيانى ءىرى ەسەپپەن جەڭدى

12 ماۋسىم 12:21
:ءبولىسۋ
فۋتبولدان ەۋروپا چەمپيوناتى: يتاليا تۇركيانى ءىرى ەسەپپەن جەڭدى

نۇر- سۇلتان. قازاقپارات - بۇگىن فۋتبولدان 2020 -جىلعى ەۋروپا چەمپيوناتىنىڭ فينالدىق كەزەڭى جالاۋىن كوتەردى، دەپ حابارلايدى قازاقپارات ءتىلشىسى.

اتالعان تۋرنيردىڭ شىمىلدىعى تۇركيا جانە يتاليا قۇرامالارىنىڭ كەزدەسۋىمەن اشىلدى. ويىن يتاليا استاناسى ريم قالاسىنداعى وليمپيادا ستاديونىندا ءوتتى.

ايتا كەتەيىك، ەكى قۇراما بۇعان دەيىن 14 مارتە كەزدەسكەن. ونىڭ 10-ىندا يتاليالىق فۋتبولشىلار باسىم تۇسسە، 4-ەۋىندە قوس قۇراما تەڭ ناتيجەنى قاناعات تۇتقان. تۇركيالىق فۋتبولشىلار اتالعان قارسىلاسىنان ەشقاشان باسىم ءتۇسىپ كورگەن ەمەس. بۇگىنگى ويىندا دا يتاليالىق فۋتبولشىلار باسىمدىعىن تانىتتى. كەزدەسۋدىڭ العاشقى مينۋتىنان تىزگىندى ءوز قولىنا الۋعا تىرىستى.

ناتيجەسىندە العاشقى بولىپ ەسەپ اشتى. ونى 53-مينۋتتا تۇركيالىق مەريح دەميرال ءوزىنىڭ قاقپاسىنا سوعىپ الدى. ال 66-مينۋتتا چيرو يمموبيلە ەسەپتى ۇستەمەلەي ءتۇستى. ال 79-مينۋتتا يتاليالىق تاعى ءبىر فۋتبولشى لورەنتسو ينسينە مەرگەندىك تانىتتى. كەزدەسۋدە يتاليا قارسىلاسىنان 3:0 ەسەبىمەن باسىم ءتۇستى.

ايتا كەتەيىك، ەكى قۇراما ا توبىندا سىنعا تۇسەدى. قارسىلاستارى - ۋەلس، شۆەيتساريا جانە يتاليا. ەۋروپا بىرىنشىلىگى ويىندارى بۇگىن، 12 - ماۋسىمدا جالعاسادى. بۇل كۇنى ا توبىندا ۋەلس پەن شۆەيساريا (ساعات 18:50)، ب توبىنداعى دانيا مەن فينليانديا (ساعات 21:50)، بەلگيا مەن رەسەي (ساعات 00:50) قۇرامالارى كەزدەسەدى.

اۆتور: ءادىلجان ۇمبەت


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات