+7 (701) 759 90 19
20 °С : نۇر-سۇلتان
21 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

كاراتە: ءمولدىر جاڭبىرباي توكيو وليمپياداسىنا جولداما ەنشىلەدى

12 ماۋسىم 09:23
:ءبولىسۋ
كاراتە: ءمولدىر جاڭبىرباي توكيو وليمپياداسىنا جولداما ەنشىلەدى

قىزىلوردا. قازاقپارات - قىزىلوردالىق ءمولدىر جاڭبىرباي كاراتەدەن توكيو وليمپياداسىنا جولدامانى جەڭىپ الدى، دەپ حابارلايدى قازاقپارات ءتىلشىسى.

بۇگىندە فرانسيا استاناسى پاريج قالاسىندا كاراتەدەن ليسەنزيالىق تۋرنير ءوتىپ جاتىر. تۋرنيردە ءمولدىر 55 كەلى سالماقتا سىنعا ءتۇستى. الەمدىك ىرىكتەۋ جارىسىندا ول فينالعا دەيىن جەتتى. ءبىراق، اقتىق سىندا قارسىلاسىنا ەسە جىبەرىپ، كۇمىس جۇلدەنى قاناعات تۇتتى. وسىلايشا وليمپياداعا بەرىلەتىن جولداماعا يە بولدى.


ايتا كەتەرلىگى، بۇل - كاراتەدەن ەل قۇراماسى قورجىنىنا تۇسكەن ەكىنشى ليسەنزيا. بۇعان دەيىن دارحان ءاسادىلوۆ مەرزىمىنەن بۇرىن توكيو وليمپياداسىنا باراتىن سپورتشىلار تىزىمىنە ەنگەن بولاتىن. ەسكە سالساق، اتالعان تۋرنيرگە ەلىمىزدىڭ اتىنان جەتى سپورتشى اتتاندى.

ولاردىڭ قاتارىندا قىزداردان ليا كوشكاربايەۆا - (كاتادان تەحنيكالىق جاتتىعۋ)، ءمولدىر جاڭبىرباي (55 كەلى)، سابينا زاحاروۆا (61 كەلى)، سوفيا بەرۋلتسيەۆا (61 كەلىدەن جوعارى)، جىگىتتەردەن مادي كاتەشوۆ (كاتا)، نۇرقانات ءاجىقانوۆ (75 كەلى) مەن دانيار يۋلداشيەۆ (75 كەلىدەن جوعارى) بار.

اتالعان جارىستا الەمنىڭ 98 ەلىنەن بارلىعى 495 سپورتشى باق سىنايدى. ايتا كەتەيىك، بۇدان بۇرىن جەڭىل اتلەتيكادان ەل قۇراماسى وليمپياداعا تاعى 3 جولداما جەڭىپ العان بولاتىن.

اۆتور: ءادىلجان ۇمبەت


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات