تاۋەلسىزدىك جىلدارى قانشا قازاقستاندىق كوشىپ كەتكەنى انىقتالدى
بۇل تۋرالى Atameken Business تەلەارناسىنىڭ «توچكا زرەنيا» باعدارلاماسىندا ايتىلدى، - دەپ حابارلايدى Tengrinews.kz ءتىلشىسى.
قازاقستاندىقتاردىڭ كوبى ەۋروپا ەلدەرىنە كەتكەن - 4,1 ميلليون ادام. ونىڭ 2,5 ميلليون رەسەيگە كوشىپ كەتكەن. ءبىر ميلليوننان اسا ادام گەرمانيادا تۇرىپ جاتىر. ۋكراينادا 225 مىڭ قازاقستاندىق بولسا، بەلارۋستە 70 مىڭ، گرەكيادا 27 مىڭ، چەحيادا 8 مىڭ جانە 7 مىڭى پولشادا.
ازياعا 75 مىڭ قازاقستاندىق كەتكەن. ونىڭ كوبى تۇرىكمەنستانعا كوشكەن - 20 مىڭ ادام. يزرايل، وزبەكستان مەن قىرعىزستانعا 13 مىڭ ادامنان كەتكەن. جەتى مىڭى تۇركيادا تۇرىپ جاتىر.
سونىمەن قاتار، 50 مىڭ ادام سولتۇستىك امەريكاعا كەتكەن. ونىڭ 36 مىڭى ا ق ش- قا كەتسە، كاناداعا 13 مىڭ قازاقستاندىق كوشىپ كەتكەن.
افريكادا تۇراتىن قازاقستاندىقتار دا بار. ونىڭ ىشىندە، ەڭ ۇلكەن دياسپورا ماليدە - 2 مىڭ ادام. تاعى مىڭعا جۋىق قازاقستاندىق ليۆيادا تۇرىپ جاتىر.