مىڭ جىل بۇرىنعى تاۋىق جۇمىرتقاسى تابىلدى
جۇمىرتقانىڭ بيىكتىگى شامامەن التى سانتيمەتر. ونىڭ قابىعى بىرنەشە جەردەن جارىلعان، ءبىراق سول قالپىندا بۇلىنبەي ساقتالعان.
يزرايلدىڭ كونە زاتتار باسقارماسى بۇدان بۇرىن داۆيد قالاسىندا، كەساريا مەن اپوللونيادا جۇمىرتقا قابىعىنىڭ سىنىقتارى تابىلعانىن حابارلاعان، ءبىراق ولاردىڭ ەشقايسىسى تۇگەلدەي ساقتالماعان.
«بۇل يزرايلدە جانە بۇكىل الەمدە وتە سيرەك كەزدەسەتىن جاڭالىق. الەمدە تاۋىقتىڭ ءبۇتىن جۇمىرتقالارى وتە از تابىلعان»، - دەيدى ى ا ا جەتەكشى قۇس ەتى مامانى، دوكتور لي پەرري-گال.
«ەجەلگى تاۋىقتار مەن ولاردىڭ جۇمىرتقالارى قازىرگى زامانعى جۇمىرتقالارعا قاراعاندا كىشكەنتاي بولعان»، - دەيدى ول.
ياۆنەدەگى زەرتتەۋشىلەر توبىنىڭ جەتەكشىسى، ارحەولوگ اللا ناگورسكيدىڭ ايتۋىنشا، جۇمىرتقانىڭ ەرەكشە ساقتالۋى ونىڭ جاتقان ورنىنا بايلانىستى.
«بۇل جۇمىرتقا عاسىرلار بويى ادام سۇيەگى بار قۇدىقتا جاتقان»، - دەيدى زەرتتەۋشى.
جۇمىرتقا زەرتتەۋ ءۇشىن زەرتحاناعا جەتكىزىلدى. ىشىندە ءىس جۇزىندە سارىسى جوق. الايدا، عالىمدار د ن ق- نى ىشتە ساقتالعان ماسسادان ءبولىپ الۋعا ۇمىتتەنەدى.
دەپارتامەنت جۇمىرتقانىڭ قۇدىققا قالاي تۇسكەنىن انىقتاۋ مۇمكىن بولمايتىنىن ايتتى.
massaget.kz