20:30, 11 - ماۋسىم 2021 | GMT +6
الماتىدا پوليتسيا توقتاتقان كولىك جۇرگىزۋشىسىنەن تاپانشا تابىلدى
الماتى. قازاقپارات - الماتىنىڭ ورتالىعىندا تاپانشاسى بار ەر ادام ۇستالدى، دەپ حابارلايدى قازاقپارات ءتىلشىسى قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
پاترۋلدىك پوليتسيا قىزمەتكەرلەرى ساتبايەۆ كوشەسىندە «Hyunday « اۆتوكولىگىنىڭ 32 جاستاعى جۇرگىزۋشىسىن توقتاتتى.
«قۇجاتتاردى تەكسەرۋ كەزىندە جۇرگىزۋشى قاتتى قوبالجىدى. كەيىنىرەك ونىڭ بارسەتكاسىنىڭ ىشىنەن وقتالعان تاپانشا تابىلدى. مەدەۋ اۋداندىق پوليتسيا باسقارماسىنىڭ تەرگەۋ-جەدەل توبى وقيعا ورنىنا شاقىرىلىپ، جۇرگىزۋشى پوليتسيا باسقارماسىنا جەتكىزىلدى. تەرگەۋشىلەر قارۋدى پروتسەسسۋالدىق تارتىپتە تاركىلەدى»، - دەپ حابارلادى پوليتسيادان.
بۇل فاكت بويىنشا سوتقا دەيىنگى تەرگەۋ جۇمىستارى باستالدى.