بريۋسسەلدە قازاقستان-ەۋروپا ىنتىماقتاستىعىنا قاتىستى ماسەلەلەر تالقىلاندى

نۇر-سۇلتان. قازاقپارات - بريۋسسەلدە قازاقستان-ەۋروپا ىنتىماقتاستىعىنىڭ جاڭا بەلەستەرى تالقىلاندى، دەپ حابارلايدى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

قازاقستاننىڭ ەو جانىنداعى وكىلى، ەلشى مارعۇلان بايمۇحان «ەۋروپالىق قاتىناستار» سالاسىندا ماماندار دايارلاۋ جونىندەگى جەتەكشى جوعارى وقۋ ورنىنىڭ باسشىسى، «ەۋروپا كوللەدجىنىڭ» رەكتورى، ەۋروپالىق وداقتىڭ بۇرىنعى سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى جانە ەۋروپالىق كوميسسيانىڭ ۆيتسە-پرەزيدەنتى فەدەريكا موگەرينيمەن قازاقستان-ەۋروپالىق ىنتىماقتاستىق ماسەلەلەرىن، سونداي-اق «ەۋروپالىق قاتىناستار» سالاسىندا ماماندار دايارلاۋ مۇمكىندىكتەرىن تالقىلادى.

ف. موگەرينيدىڭ پىكىرىنشە، قازاقستان مەن ە و ءتيىمدى سەرىكتەستىك قۇرۋعا ۇمتىلاتىن ەكىجاقتى مۇددەگە نەگىزدەلگەن سەنىمدى ديالوگ قۇرا الدى.

ف. موگەرينيدىڭ ق ر- ە و قارىم-قاتىناستارىن دامىتۋعا قوسقان ۇلەسى ەرەكشە ەكەنىن اتاپ وتكەن ءجون.

ە و سىرتقى ساياسي ۆەدومستۆوسىنىڭ باسشىسى رەتىندە ول قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى تالقىلاۋعا قاتىستى جانە وعان قول قويدى. بۇل كەلىسىم وڭىردەگى وسى ىسپەتتەس العاشقى قۇجات بولىپ تابىلادى. بۇگىنگى تاڭدا كەلىسىم قازاقستان مەن ە و اراسىنداعى ىنتىماقتاستىقتى جاڭا دەڭگەيگە شىعارىپ، ەكىجاقتى قاتىناستاردىڭ كەڭ اۋقىمىن قامتيدى. سونداي-اق، 2019-جىلى ە و- ورتالىق ازيا فورماتىنداعى قاتىناستارعا جاڭا سەرپىن بەرگەن، ەۋروپالىق وداقتىڭ ورتالىق ازيا بويىنشا جاڭا ستراتەگياسى قابىلداندى.

كەزدەسۋ بارىسىندا قازاقستانداعى ساياسي جانە ەكونوميكالىق رەفورمالار، ق ر جانە ە و اۋماعىنداعى ۆاكتسينالاۋ ءۇردىسىنىڭ ەرەكشەلىكتەرى، قازاقستاندىق «QazVac» ۆاكسيناسىن ءوندىرۋ جانە پايدالانۋ ماسەلەلەرى تالقىلاندى.

تاراپتار يادرولىق قارۋعا قارسى قوزعالىستى ىلگەرىلەتۋ جانە جاڭا حالىقارالىق باستاماعا - يادرولىق قاۋىپسىزدىك پەن يادرولىق قارۋدان ازات الەم ءۇشىن جاھاندىق كوشباسشىلار اليانسىن قۇرۋعا ەرەكشە توقتالدى. بۇۇ جوعارى دەڭگەيدەگى توبىنىڭ تەڭ ءتوراعاسى جانە يادرولىق قارۋدى تاراتپاۋ ماسەلەلەرىمەن بەلسەندى اينالىسقان بۇرىنعى پارلامەنتاري رەتىندە ف. موگەريني باستاماعا قىزىعۋشىلىق ءبىلدىرىپ، وسى باعىتتاعى ءوز تاجىريبەسىمەن ءبولىستى.

تاراپتار قازاقستاندىق جوعارى وقۋ ورىندارى، ساراپشىلار قوعامداستىعى جانە «ەۋروپا كوللەدجى» اراسىندا جەمىستى ىنتىماقتاستىق ورناتۋ جانە بىرلەسكەن ءبىلىم بەرۋ جوبالارىن ىسكە اسىرۋ مۇمكىندىگىن ەگجەي-تەگجەيلى زەردەلەۋگە ۋاعدالاستى.

انىقتاما رەتىندە: «ەۋروپا كوللەدجى» 1948-جىلى بريۋگگە (بەلگيا) اشىلدى. ەۋروپالىق قاتىناستار سالاسىنداعى ماگيسترلەردى دايىندايتىن اسا بەدەلدى جوعارى وقۋ ورنى بولىپ تابىلادى.

قازىرگى ۋاقىتتا بۇل ج و و- دا 50 دەن استام ەلدىڭ ستۋدەنتتەرى ءبىلىم الادى. ستۋدەنتتەر ەۋروپالىق قۇقىق، ەۋروپالىق ەكونوميكالىق جانە ساياسي زەرتتەۋلەردى وقيدى.

«ەۋروپا كوللەدجى» ەۋروپالىق ينستيتۋتتاردىڭ بولاشاق قىزمەتكەرلەرىن دايارلاۋدىڭ نەگىزگى ورتالىعى رەتىندە تانىمال جانە ەۋروپا ەلدەرى جانە وزگە دە ەلدەرىنىڭ ساياسي ەليتالارى وكىلدەرىنىڭ ءبىلىم ورداسى بولىپ تابىلادى.