+7 (701) 759 90 19
25 °С : نۇر-سۇلتان
25 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

تەلەجۋرناليست پرەزيدەنتتىڭ ەكى جىلدىق جۇمىسىنا شولۋ جاسادى

11 ماۋسىم 18:32
:ءبولىسۋ
تەلەجۋرناليست پرەزيدەنتتىڭ ەكى جىلدىق جۇمىسىنا شولۋ جاسادى

نۇر-سۇلتان. قازاقپارات - «ەسكى پروبلەمالاردىڭ جاڭا شەشىمىن ۇسىنعان پرەزيدەنت». اسىلبەك ابدۋلوۆ «پرەزيدەنت توقايەۆتىڭ جاڭا باعدارى» اتتى فيلمىندە مەملەكەت باسشىسىنىڭ جەكى جىلدىق جۇمىسىنا وسىنداي باعا بەرەدى، دەپ حابارلايدى قازاقپارات ءتىلشىسى.

«تاۋەلسىز قازاقستاننىڭ ەكىنشى پرەزيدەنتى قاسىم-جومارت توقايەۆ ەلدى قىسىلتاياڭ جاعدايدا باسقارا وتىرىپ، ەكى جىل ىشىندە قاتال سىناقتان ءوتتى. مۇنداي وقيعالار مەن دراماعا تولى ەكى جىل قالىپتى ءتورت جىلعا تەڭ ەدى»، - دەيدى جۋرناليست.

فيلمنىڭ باسىم بولىگى ەلدە بيلىك ترانزيتى بولىپ جاتقان كەزدە تىركەلگەن توسىن وقيعالاردى سيپاتتاۋعا ارنالعان.

«قازاقستاننىڭ جاڭا پرەزيدەنتى سايلاۋداعى سەنىمدى جەڭىستىڭ قۋانىشىن سەزىنىپ ۇلگەرمەي جاتىپ، الەۋمەتتىك-ساياسي سىن-تەگەۋرىندەرگە تاپ بولدى.

«2019-جىلدىڭ ماۋسىم ايىنىڭ سوڭىندا بولعان تەڭىز» مۇناي كەن ورنىنداعى ەڭبەك قاقتىعىسى بىرلەسكەن كاسىپورىنداعى شەتەلدىك جانە جەرگىلىكتى مامانداردىڭ ءارتۇرلى ەڭبەك جاعدايىندا جۇمىس ىستەگەنىنەن، ادىلەتسىز ەڭبەك تولەمىنەن تۋىندادى. قاسىم-جومارت توقايەۆ ەسكى پروبلەمالاردى شەشۋدىڭ جاڭا جولدارىن ۇسىندى»، - دەپ ەسكە الادى فيلم اۆتورى.

راسىمەن، سول وقيعادان كەيىن شەتەلدىك ەڭبەك ميگرانتتارىنا بەرىلەتىن كۆوتا سانى 40 پايىزعا ازايتىلعان بولاتىن. فيلمدە مەملەكەت باسشىسىنىڭ ارىس قالاسىنا بارىپ، جەرگىلىكتى تۇرعىندارمەن اڭگىمەلەسكەن ساتتەرى دە بەرىلگەن.

«قازاقستاننىڭ جاڭا پرەزيدەنتى ءۇشىن 2019-جىلعى ماۋسىمدا ارىس قالاسىنداعى اسكەري قويمالارداعى وق-دارىلەردىڭ جارىلىسى جالىندى سىناق بولدى. بۇل ون جىلداعى ءتورتىنشى جاعداي ەدى»، - دەلىنگەن فيلمدە.

جامبىل وبلىسىنىڭ قورداي اۋدانىنداعى شيەلەنىستى وقيعالار دا اۆتوردىڭ نازارىنان تىس قالماعان.

«سايلاۋدان كەيىن قاسىم- جومارت توقايەۆ ءوزىنىڭ پرەزيدەنتتىك كۇن تارتىبىنە بىردەن ەنىپ كەتە المادى. سىناقتار بىرىنەن سوڭ ءبىرى شىعىپ جاتتى. ءسويتىپ ءجۇرىپ كۇن تارتىبىنە كوروناۆيرۋس پاندەمياسى شىقتى. كوپتەگەن جوبالار ارتتا قالدى. پرەزيدەنت توقايەۆتىڭ الدىندا قازاقستاندىقتاردى COVID-19 دان، ال مەملەكەتتى ەكونوميكالىق داعدارىستان قۇتقارۋ جانە ساقتاۋ مىندەتى تۇردى»، - دەيدى اسىلبەك ابدۋلوۆ.

سونداي-اق، ول قاسىم-جومارت توقايەۆتىڭ ديماش قۇدايبەرگەن، يمانبەك زەيكەنوۆ، ايسۇلتان سەيىتوۆ، نۇرلان سابۋروۆ سياقتى جانە دارىندى جاس قازاقستاندىقتارعا سىرتتاي دەمەۋ بولىپ جۇرگەنىن اتايدى.

«كوروناۆيرۋس پاندەمياسى قازاقستانعا بيلىك اۋىسىپ بولىپ، ساياسي رەفورمالار كۇن تارتىبىنە شىققان كەزدە كەلدى. ءبىراق پاندەميا مۇنداي ماڭىزدى ىسكە كەدەرگى بولعان جوق. پرەزيدەنت توقايەۆ ايتقانداي، اۋقىمدى ساياسي رەفورمالار جالعاسىپ جاتىر. قاسىم-جومارت توقايەۆ ءتيىمدى داعدارىس مەنەدجەرى مەن رەفورماتوردىڭ قاسيەتتەرىن ءساتتى ۇيلەستىرىپ كەلەدى»، - دەپ تۇيىندەدى اسىلبەك ابدۋلوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات