+7 (701) 759 90 19
19 °С : نۇر-سۇلتان
17 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

فۋتبول: بۇگىن ەۋروپا بىرىنشىلىگى باستالادى

11 ماۋسىم 17:03
:ءبولىسۋ
فۋتبول: بۇگىن ەۋروپا بىرىنشىلىگى باستالادى

نۇر- سۇلتان. قازاقپارات - بۇگىن فۋتبولدان 2020 - جىلعى ەۋروپا چەمپيوناتىنىڭ فينالدىق كەزەڭى باستالادى، دەپ حابارلايدى قازاقپارات ءتىلشىسى.

ءدۇبىرلى دودا شىمىلدىعى تۇركيا مەن يتاليا قۇرامالارىنىڭ كەزدەسۋىمەن تۇرىلەدى. ويىن يتاليا استاناسى ريم قالاسىنداعى وليمپيادالىق ستاديوندا وتكىزىلەدى.

بۇل ماتچتا نيدەرلاندىلىق دانني ماككەلي باس قازى بولسا، وعان وتانداستارى حەسسەل ستەگسترا مەن يان دە ۆريس كومەكشىلىك جاسايدى. قوسالقى تورەشى - فرانسيالىق ستەفاني فراپپار. ويىن ەلوردا ۋاقىتىمەن 00:50-دە «قازاقستان» جانە «قازسپورت» تەلەارنالارىنان تىكەلەي ەفيردە كورسەتىلەدى.

بۇعان دەيىن ەكى قۇراما 14 مارتە كەزدەسكەن. ونىڭ 10-ىندا يتاليالىق فۋتبولشىلار باسىم تۇسسە، 4-ەۋىندە قوس قۇراما تەڭ ناتيجەنى قاناعات تۇتتى. ءالى كۇنگە دەيىن تۇركيالىق فۋتبولشىلار اتالعان قارسىلاسىنان باسىم ءتۇسىپ كورگەن ەمەس.

ەسكە سالايىق، قۇرلىقتىق دودا ون التىنشى مارتە وتكىزىلىپ وتىر. كارى قۇرلىقتا 1960 -جىلى العاشقى ەۋروپا بىرىنشىلىگى ۇيىمداستىرىلدى. اتالعان دوپ دوداسى 2021 -جىلى 12- ماۋسىم مەن 12 - شىلدە ارالىعىندا وتكىزىلۋى جوسپارلانعان. بىلتىر الەمدى جايلاعان كوروناۆيرۋس ينفەكسياسىنا بايلانىستى ول ءبىر جىلعا كەيىن شەگەرىلدى.

ويىندار ءدۇبىرلى دودا تاريحىندا تۇڭعىش رەت ەۋروپانىڭ 10 مەملەكەتىندە ورنالاسقان 11 ستاديوندا بولادى. بۇل ءدۇبىرلى دودانىڭ 60 جىلدىق مەرەيتويىنا وراي ۇيىمداستىرىلعان. بيىلعى بىرىنشىلىكتە بارلىعى 24 قۇراما سىنعا تۇسەدى. ءاربىر توپتان ۇزدىك ەكى كوماندا مەن كورسەتكىشى جوعارى ءتورت قۇراما جارىستى جالعاستىرۋعا مۇمكىندىك الادى.

قۇرامالار تومەندەگى توپتارعا بولىنگەن:

A توبى: ۋەلس، شۆەيساريا، تۇركيا، يتاليا؛

B توبى: فينليانديا، بەلگيا، رەسەي، دانيا؛

C توبى: ۋكراينا، اۆستريا، سولتۇستىك ماكەدونيا، نيدەرلاندى؛

D توبى: حورۆاتيا، شوتلانديا، چەحيا، انگليا؛

E توبى: شۆەتسيا، پولشا، سلوۆاكيا، يسپانيا؛

F توبى: گەرمانيا، ۆەنگريا؛ پورتۋگاليا، فرانسيا؛

اۆتور: ءادىلجان ۇمبەت


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات