قازاقستاندىق پوليتسەيلەر جاڭا فورماعا اۋىسادى
بۇل تۋرالى ق ر ىشكى ىستەر ءمينيسترى ەرلان تۇرعىمبايەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ايتتى، دەپ حابارلايدى قازاقپارات.
«جىل سوڭىندا كوشەدە قىزمەت كورسەتەتىن پاترۋلدىك پوليتسيا مەن ۋچاسكەلىك ينسپەكتورلاردىڭ فورماسىن اۋىستىرامىز. فورما قازىردىڭ وزىندە ماقۇلداۋدان ءوتتى، ول كوشەدە قىزمەت ەتۋگە وتە ىڭعايلى. جاڭا ەلەمەنت - كروسسوۆكا، باتەڭكەلەر تۇرىندەگى اياق كيىم ەنگىزىلەدى، بۇل پوليتسەيلەر ءۇشىن وتە قاجەت، سەبەبى ولار - جاياۋ پاترۋلدەر، حالىقپەن تىكەلەي جۇمىس ىستەيتىن جەدەل قىزمەتشىلەر»، - دەپ جاۋاپ بەردى ەرلان تۇرعىمبايەۆ تىلشىلەردىڭ سۇراعىنا.
جاڭا فورمادا تۇنگى ۋاقىتتا كوزگە شاعىلىساتىن ەلەمەنتتەر دە قاراستىرىلعان. ءمينيستردىڭ ايتۋىنشا، الداعى ەكى جىلدا بارلىق پوليتسەيلەردى جاڭا فورماعا اۋىستىرۋ جوسپارلانعان.
اۆتور: ايجان سەرىكجان قىزى
