پرەزيدەنتتى شاپالاقپەن ۇرعان ازامات سوتتالدى
ءبىراق 28 جاستاعى جىگىت ونىڭ تەك 4 ايىن تۇرمەدە وتكىزىپ، قالعانىن شارتتى تۇردە وتەيدى. ۆالانس قالاسىنىڭ سوتى وسىنداي شەشىم شىعاردى. ول سوتتا ءوزىن وڭشىل كوزقاراستاعى ادام ەكەنىن جانە ماكروندى فرانسياداعى جاعدايدىڭ ناشارلاۋىنا كىنالى دەپ سانايتىندىقتان قول كوتەرگەنىن ايتقان.
ال فرانسۋز پرەزيدەنتىنىڭ باسپا ءسوز قىزمەتى ماكرون وتكەن سەيسەنبى كۇنگى وقيعاعا قاراماستان حالىقپەن كەزدەسە بەرەدى دەپ مالىمدەدى.
گابريەل اتتال، فرانسيا پرەزيدەنتىنىڭ باسپا ءسوز حاتشىسى:
- پرەزيدەنتتىڭ حالىقپەن بەتپە- بەت جۇزدەسۋى وتە ماڭىزدى شارا. ەلىمىز ىندەتتەن قاتتى جاپا شەكتى. ءبىز داعدارىستى ەڭسەرىپ، ەكونوميكامىزدى قالپىنا كەلتىرۋىمىز كەرەك. ال مەملەكەت باسشىسى شەشىم قابىلداۋ ءۇشىن تۇرعىندارمەن جۇزبە- ءجۇز تىلدەسىپ، ولاردىڭ پىكىرىن ءبىلۋى ءتيىس.
ەسكە سالا كەتەيىك، وقىس وقيعا وتكەن سەيسەنبى كۇنى وسى ەلدىڭ دروم دەپارتامەنتىندە بولدى. مەملەكەت باسشىسى كولىكتەن شىعىپ، قورشاۋمەن بولىنگەن تۇرعىندارمەن كەزدەسۋ ءۇشىن ءبىر توپ ادامعا جاقىندايدى. وسى كەزدە ءبىر ەر ادام ماكروندى قولىنان ۇستاپ تۇرىپ، بەتىنەن شاپالاقپەن تارتىپ جىبەرەدى. پرەزيدەنت كۇزەتى شاپشاڭ قيمىلداپ، بۇزاقىنى ۇستادى.
www.24.kz