+7 (701) 759 90 19
25 °С : نۇر-سۇلتان
25 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

قازاقستاندىقتاردى الدايتىن شەتەلدىكتەر كوبەيدى

11 ماۋسىم 13:01
:ءبولىسۋ
قازاقستاندىقتاردى الدايتىن شەتەلدىكتەر كوبەيدى

نۇر- سۇلتان. قازاقپارات - ەلىمىزدە ينتەرنەت ارقىلى الدانىپ جاتقان ازاماتتار وتە كوپ.

بۇل تۋرالى حالىققا ەسەپ بەرۋ كەزدەسۋىندە ق ر ىشكى ىستەر ءمينيسترى ەرلان تۇرعىمبايەۆ ايتتى، دەپ حابارلايدى قازاقپارات ءتىلشىسى.

«كوروناۆيرۋس پاندەمياسىنا بايلانىستى ينتەرنەت سالاسىنداعى قىلمىستار ارتتى. ونلاين- قىزمەتتەردىڭ دامۋىنا وراي ينتەرنەتپەن جاسالاتىن الاياقتىق 2 ەسە كوبەيدى. مۇنداي قىلمىستاردىڭ سالدارىنان ازاماتتارعا 67 ميلليون تەڭگە شىعىن كەلدى. وسىعان بايلانىستى، ىشكى ىستەر مينيسترلىگى كيبەرقىلمىسپەن كۇرەس ورتالىعىنىڭ جۇمىسىن كۇشەيتتى. تەك وسى قىلمىستاردى اشاتىن ارنايى توپتار قۇرىلدى. جاۋاپكەرشىلىككە 450 ادام تارتىلدى»، - دەدى مينيستر.

ەرلان تۇرعىمبايەۆ وزگە مەملەكەتتەرمەن قارىم- قاتىناس جاساپ، الاياقتارمەن كۇرەسۋ ءۇشىن تىعىز جۇمىس ىستەپ جاتقاندىقتارىن ايتادى.

«ويتكەنى شەتەلدە ءجۇرىپ، ازاماتتاردى الدايتىندار كوبەيدى. وسى جىلدىڭ وزىندە رەسەي، بەلارۋس، ۋكراينا ەلدەرىنەن قازاقستان ازاماتتارىن الداعان 3 مىڭعا جۋىق فاكتى تىركەلدى. وكىنىشكە وراي، ينتەرنەت ارقىلى الدانىپ جاتقان ازاماتتار وتە كوپ. كۇندەلىكتى تەلەارنا مەن گازەتتەردە، الەۋمەتتىك جەلىلەردە ساقتىق شارالارى تۋرالى ماتەريالدار بەرىلۋدە. ونلاين- ساۋدا جاساۋ كەزىندە ازاماتتار اباي بولۋى قاجەتتىگىن ەسكەرتەمىز. قازىر ۇلتتىق بانكپەن جانە ەكىنشى دەڭگەيلى بانكتەرمەن تىعىز قارىم- قاتىناس ورناتىپ، ازاماتتاردىڭ جەكە مۇلكىن قورعاۋ ءۇشىن قادامدار جاسالۋدا»، - دەدى ول.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات