مال شارۋاشىلىعىندا ءىرى قارانى ساقتاندىرۋ بەكىتىلدى – مينيستر

None
None
نۇر- سۇلتان. قازاقپارات - جاڭا جۇيەدە ساقتاندىرۋ سىياقىلارىن 50 پايىز كولەمىندە سۋبسيديالاۋ تۇرىندەگى مەملەكەتتىك قولداۋ كوزدەلىپ وتىر.

بۇل تۋرالى ق ر اۋىل شارۋاشىلىعى ءمينيسترى ساپارحان وماروۆ ايتتى، دەپ حابارلايدى قازاقپارات ءتىلشىسى.

«2020 -جىلدان باستاپ رەسپۋبليكادا اگروونەركاسىپتىك كەشەندى ەرىكتى ساقتاندىرۋدىڭ جاڭا جۇيەسى ىسكە قوسىلدى. جاڭا جۇيەدە ساقتاندىرۋ سىياقىلارىن % 50 كولەمىندە سۋبسيديالاۋ تۇرىندەگى مەملەكەتتىك قولداۋ كوزدەلدى. جۇيەگە ساقتاندىرۋ جاعدايلارى باستالعان كەزدە تولەمدەردىڭ كەپىلدىگىن قامتاماسىز ەتەتىن حالىقارالىق قايتا ساقتاندىرۋ كومپانيالارى تارتىلدى. بارلىق ساقتاندىرۋ پروتسەستەرى تولىعىمەن اۆتوماتتاندىرىلعان. وسىمدىك شارۋاشىلىعىندا ساقتاندىرۋ ونىمدەرى جانە العاش رەت مال شارۋاشىلىعىندا ءىرى قارا مالدى ساقتاندىرۋ بەكىتىلدى»، - دەدى س. وماروۆ سەناتتاعى قازاقستاننىڭ اگروونەركاسىپتىك كەشەنىن دامىتۋدىڭ 2017-2021 -جىلدارعا ارنالعان مەملەكەتتىك باعدارلاماسىن ىسكە اسىرۋ تاقىرىبىنداعى ۇكىمەت ساعاتىندا.

ونىڭ ايتۋىنشا، 2020 -جىلعى كوكتەمگى دالا جانە ەگىن جيناۋ جۇمىستارىنىڭ قورىتىندىسى بويىنشا استىق ەگەتىن التى وڭىردە 115 مىڭ گەكتار ءداندى جانە مايلى داقىلدار ەگىستەرى ساقتاندىرىلدى. ساقتاندىرۋ جاعدايلارى ناتيجەسىندە 518,2 ميلليون تەڭگە تولەندى. مال شارۋاشىلىعىندا 2117 باس ءىرى قارا مال ساقتاندىرىلدى.

بۇدان بۇرىن حابارلانعانداي، ق ر پارلامەنتى سەناتى ءتوراعاسىنىڭ ورىنباسارى نۇرلان ءابدىروۆ اگرارلىق كەشەنىنىڭ دامۋىنا كەرى اسەرىن تيگىزگەن فاكتورلاردى اتادى. ءوز كەزەگىندە سەناتور دۇيسەنعازى مۋسين ءبىرقاتار ازىق- تۇلىك ونىمدەرى بويىنشا يمپورتقا تاۋەلدىلىك ساقتالىپ تۇرعانىن، ونىڭ كولەمى وتكەن جىلى 4 ميلليارد ا ق ش دوللارىنان اسقانىن ايتقان.

اۆتور: رۋسلان عابباسوۆ

سوڭعى جاڭالىقتار