ەلىمىزدە قازاق تىلىندەگى بالالار ادەبيەتى تاپشى

None
None
نۇر-سۇلتان.قازاقپارات -ەل كىتاپحانالارىندا بالالار ادەبيەتى تاپشى، دەپ حابارلايدى «حابار 24». اسىرەسە، انا تىلىمىزدەگى كوركەم شىعارمالار وتە از.

ماماندار وسىلاي دەپ دابىل قاعىپ وتىر. سۇرانىس كوپ بولعانىمەن، شىعارما اۆتورلارىنىڭ كىتاپتارى تەك قولجازبا كۇيىندە قالىپ قويادى ەكەن. سەبەبى، وزگە كىتاپتاردان قىمباتقا تۇسەتىن بالالار كىتابىنىڭ باسىلۋىن جەكە اۆتورلاردىڭ قالتاسى كوتەرە بەرمەيدى.

اينۇر قۋات قىزى، ءتىلشى:

- اقپاراتتىق تەحنولوگيا قارقىندى دامىعان مىنا زاماندا بۇرىنعىداي توم- توم كىتاپتى جاتا- جاستانا وقيتىندار بار ما؟ بۇل سۇراق وسىدان 7-8 -جىل بۇرىن وزەكتى ەدى. قازىر نارىقتا ءتۇرلى جانرداعى كىتاپ تا، ونى وقيتىن وقىرمان دا بارشىلىق. كىتاپحاناشىلار وسىلاي دەيدى.

پروزا، پوەزيا، قازاق جانە الەم كلاسسيكتەرىنىڭ كىتابىن وقيمىن دەگەن ادامعا مۇمكىندىك كوپ- اق. ءتىپتى «كىتاپ قۇمار» قاۋىم ءۇشىن قازىر «اشىق اسپان استىنداعى كىتاپحانادا» بار. وسى جاز باستالىسىمەن ەلورداداعى جازۋشىلار اللەياسىندا ءدال وسىنداي كوشپەلى كىتاپحانا اشىلدى. وقىرماندار ءار دەمالىس سايىن وسىندا كەلىپ، قالاعان كىتابىن وقي الادى. اتتەگەن- ايى سول، بالالارعا ارنالعان كوركەم شىعارمادان سۋسىنداعىسى كەلەتىن جاسوسپىرىمدەرگە ۇسىنار كىتاپ از.

گۇلميرا ءابىلعازينا، ورتالىقتاندىرىلعان كىتاپحانالار جۇيەسى ديرەكتورىنىڭ ورىنباسارى:

- نۇر- سۇلتان قالاسىندا 18 كىتاپحانا قالا تۇرعىندارىنا قىزمەت ەتەدى. ونىڭ 6 اۋى بالالار كىتاپحاناسى. قازىر 750 مىڭداي كىتاپ قورىمىز بار. وكىنىشكە قاراي، بالالار ادەبيەتى وتە از. كوركەم ادەبيەت تە، انىقتامالىق ادەبيەتتەر دە از. ونىڭ ىشىندە مەملەكەتتىك تىلدە تىپتەن از.

جازۋشىلار بولسا، سوڭعى جىلدارى بالالارعا ارنالعان شىعارمالاردىڭ قولجازبا كۇيىندە قالىپ قوياتىنىن العا تارتادى. ەلىمىزدە جاس قالامگەرلەر مەن جازۋشىلار وداعىندا 150 گە جۋىق بالالار ادەبيەتىن جازاتىن قالامگەر بار. جازعاندارىن باسپاعا بەرۋ مەن يلليۋستراتوردىڭ جۇمىسىنا تولەۋگە جەكە اۆتورلاردىڭ قالتاسى كوتەرمەيدى.

ەربول بەيىلحان، بالالار مەن جاسوسپىرىمدەر ادەبيەتىن قولداۋ كەڭەسىنىڭ ءتوراعاسى:

- ءبىزدىڭ مەملەكەتتە بالالار مەن جاسوسپىرىمدەر 4 ميلليونداي وقىرمان بار. وسى وقىرماندارعا تولىق جەتەتىن كىتاپ از. بار اۆتورلاردىڭ كىتابىنىڭ ءوزى مىڭ دانامەن، ەكى مىڭ دانامەن عانا شىققان. ول ءبىر قالاعا، سونداعى كىتاپحانالارعا عانا تاراپ كەتەدى.

اقىن ەربول بەيىلحاننىڭ ايتۋىنشا، قازىر بالالار ادەبيەتى عانا ەمەس، جالپى كىتاپتىڭ تارالىمى ۇلكەن ماسەلە بولىپ تۇر. كىتاپ شىققان كۇننىڭ وزىندە تارالىمى از بولسا، شالعاي اۋىلداعى كىتاپحانالارعا جەتپەي قالادى.

ەربول بەيىلحان، بالالار مەن جاسوسپىرىمدەر ادەبيەتىن قولداۋ كەڭەسىنىڭ ءتوراعاسى:

- قازىر قولىمىزدا 50 گە جۋىق اۆتوردىڭ شىعارمالارى بار. ونى جان- جاقتان ءارتۇرلى باسپالارعا ۇسىنىپ جاتىرمىز. مەملەكەتتەن قولداۋ بولسا جاقسى بولار ەدى.

مادەنيەت جانە سپورت مينيسترلىگى بيىل بالالارعا ارنالعان ءبىرشاما كىتاپتاردى شىعارامىز دەپ ايتىپ وتىر. كىتاپ دۇكەندەرىندەگى سورەلەر سامساپ تۇرعانىمەن، بالالار ادەبيەتىنە شولدەپ تۇرعانىن كوردىك. جوق ەمەس بار. تەك قازاق تىلىندەگىسى بىرەڭ- ساراڭ عانا. ساتۋشىلاردىڭ ءوزى سۇرانىستىڭ جوعارى ەكەنىن ايتىپ تۇر.

ءامىرجان مۇباراكوۆ، كىتاپ ساتۋشى:

- قازىر بىزدە ەڭ تانىمال جانرلاردىڭ ىشىندە پسيحولوگيا، قازىرگى الەمدىك پروزا جانە بالالار ادەبيەتى سۇرانىسقا يە. قازاق تىلىندەگى كىتاپتاردى الساق، بالالارعا ارنالعان كىتاپتار سۇرانىستا.

ەلىمىزدىڭ مادەنيەت جانە سپورت مينيسترلىگى بيىل «بالالار ادەبيەتى جىلىن» جاريالاپ وتىر. ال، ۇكىمەتتىڭ كومەگىنە تەلمىرگەن جازۋشىلار جوعارىدا ايتىلعان ولقىلىقتاردىڭ ورنى ەندى تولا ما دەگەن ۇمىتتە.


www.24.kz


سوڭعى جاڭالىقتار