الماتى زووباعىنىڭ ايۋلارى جاڭا ورىنعا كوشىرىلدى
«قۇرمەتتى دوستار! ءبىزدىڭ زووباقتاعى جاڭا ۆولەرلەرگە جانۋارلار قونىستانا باستادى. ەندى، گەردا، كەناي جانە كودانىڭ جاڭا ۇيشىگى بار. ولاردىڭ كورشىلەرى، ءبىزدىڭ جاڭا تۇرعىندارىمىز، گيمالاي ايۋلارى - ياشين مەن ۋسسۋري»، - دەلىنگەن زووباقتىڭ الەۋمەتتىك جەلىدەگى پاراقشاسىندا.
نيك پەن نەلسون دا تابيعي توپىراعى بار، وسىمدىكتەرى مول، ىشىندە باسسەينى ورناتىلعان ىڭعايلى، كەڭ ۆولەرگە كوشىرىلدى.
«ولاردىڭ اتالىعى دا الداعى ۋاقىتتا جاڭا ورىنعا اۋىستىرىلادى. ءبىز جاڭا، كەڭ ۆولەرلەر سالىپ، زووباعىمىزداعى جانۋارلارعا بارىنشا جاعداي جاسايمىز. بۇل جۇمىستاردى جالعاستىرا بەرەمىز. ارينە، بۇعان ۋاقىت پەن توزىمدىلىك كەرەك»، - دەپ اتاپ ءوتتى زووباقتاعىلار.
بۇعان دەيىن، الماتى زووباعىنىڭ جانۋارلارى اپتاپ ىستىقتان قالاي قورعانىپ جاتقانى تۋرالى جازعان بولاتىنبىز.
اۆتور: الما مۇقانوۆا