ش ق و- دا بىرنەشە مارتە مال ۇرلاعان بارىمتاشىلار ۇستالدى

وسكەمەن. قازاقپارات - شىعىس قازاقستان وبلىسىنىڭ پوليسيا قىزمەتكەرلەرى بىرنەشە مارتە مال ۇرلاعان بارىمتاشىلاردى قولعا ءتۇسىردى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ەكى ەر ادام ءوڭىر اۋماعىندا مال ۇرلىعىمەن اينالىسقان. وسى ۋاقىتقا دەيىن ولاردىڭ 3 قىلمىسقا قاتىسى بار ەكەنى انىقتالىپ وتىر. جەدەل- ىزدەستىرۋ شارالارىن جۇرگىزۋ بارىسىندا اياگوز جانە تارباعاتاي اۋدانىنىڭ 22 جاستاعى ەكى تۇرعىنى ۇستالدى. ولار ءتۇن كەزىندە قويلاردى ۇرلاپ جۇرگەن. ۇرلىقتى ىلعي مال جايىلىمىنان جاسادى.

«كۇدىكتىلەر مامىر ايىندا 9 باس قويدى ۇرلاعان. ەگەر ءتارتىپ ساقشىلارى بارىمتاشىلاردى ۋاقتىلى ۇستاماسا، بۇل سان الدەقايدا كوپ بولۋشى ەدى. قازىرگى ۋاقىتتا ەكەۋى ۋاقىتشا ۇستاۋ يزولياتورىنا قامالدى. اتالعان فاكتى بويىنشا ق ر ق ك- ءنىڭ 188-1-بابى 3-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە. ولار 10 جىلعا دەيىنگى مەرزىمگە باس بوستاندىعىنان ايىرىلۋى مۇمكىن»، - دەدى ش ق و پ د باستىعىنىڭ ورىنباسارى، پوليتسيا پولكوۆنيگى تالعات شاياحمەتوۆ.