جەر بەتىندەگى مۇحيت سانى بەسەۋ بولا ما؟

None
None
نۇر-سۇلتان.قازاقپارات - مەكتەپتەگى گەوگرافيا پانىندە ءتورت مۇحيت بارىن ساناسىنا توقىپ وسكەن جاس ءۇشىن تىڭ جاڭالىق. جەر بەتىندەگى مۇحيت سانى بەسەۋ بولۋى دا مۇمكىن. مۇنى National Geographic قۇپتاپ وتىر.

انتاركتيدا جاعالاۋىمەن شەكتەسەتىن مۇحيت سۋىنىڭ باسقالاردان ايتارلىقتاي ايىرماشىلىعى بار ەكەن. سوندىقتان National Geographic بۇل ايماقتاعى سۋ الابىن وڭتۇستىك مۇحيت دەپ تانىدى.

بەسىنشى مۇحيت جايلى داۋ- تالاستار زەرتتەۋشى عالىمدار اراسىندا بۇعان دەيىن دە ايتىلىپ كەلگەن- ءدى. دەگەنمەن بۇل انتاركتيدا ماڭىنداعى سۋدى تىنىق، اتلانت جانە ءۇندى مۇحيتىنىڭ جالعاسى دەپ ساناۋشىلار كوپ.

National Geographic قۇپتاۋى بويىنشا ەندى وڭتۇستىك مۇحيت تەرمينى قولدانىلا باستاماق. بەسىنشى مۇحيتتىڭ اۋماعى انتاركتيدا جاعالاۋى، اتلانت مۇحيتىنىڭ وڭتۇستىگىنە جاتاتىن درەيك بۇعازى مەن سكوشا تەڭىزىن قوسپاعاندا وڭتۇستىك ەندىكتەن 60 گرادۋسقا دەيىن سوزىلاتىن اۋماقتى قامتيدى.

عىلىمي قاۋىمداستىق ءتورت مۇحيت (اتلانت، تىنىق، ءۇندى جانە سولتۇستىك مۇزدى مۇحيت) بارىن عانا تانىپ كەلەدى. بەسىنشى مۇحيت جايلى كوزقاراستار مەن عىلىمي پىكىرلەر ءالى دە ءبىر ارناعا توعىسا قويعان جوق.

ايتا كەتەيىك، National Geographic – ا ق ش ۇلتتىق گەوگرافيالىق قوعامداستىعىنىڭ رەسمي باسىلىمى - تابيعات پەن ساياحات جايلى جانە تانىمدىق باعىتتاعى الەمدەگى ەڭ تانىمال جۋرنال.


massaget.kz


سوڭعى جاڭالىقتار