+7 (701) 759 90 19
28 °С : نۇر-سۇلتان
24 °С : الماتى
USD 427.15 EUR 519.12
RUB 5.96 CNY 66.84
جاڭالىقتار

التاي كولگىنوۆ ەلوردادا سپورتتى دامىتۋ ءۇشىن قانداي شارالار قولعا الىنعانىن ايتتى

10 ماۋسىم 22:42
:ءبولىسۋ
التاي كولگىنوۆ ەلوردادا سپورتتى دامىتۋ ءۇشىن قانداي شارالار قولعا الىنعانىن ايتتى

نۇر-سۇلتان. قازاقپارات - نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا قالادا سپورتشىلار ءۇشىن قانداي جاعداي جاسالىپ جاتقانىن ءمالىم ەتتى، دەپ حابارلايدى ەلوردا اكىمدىگىنىڭ رەسمي سايتى.

«ءىرى سپورت نىساندارىن بالالارىمىز ءۇشىن اشىق ءارى قولجەتىمدى ەتەمىز. سپورتتىق عيماراتتار چەمپيوناتتاردى/ويىنداردى، سپورتشىلاردىڭ جاتتىعۋىن وتكىزۋگە ارنالعان الاڭدار عانا ەمەس، سونىمەن قاتار وقۋشىلارىمىز ءۇشىن ساباق وتكىزەتىن ورىن بولۋى ءتيىس. بۇل ولاردىڭ جاتتىعۋلارىنىڭ ساپاسىنا وڭ اسەر ەتەدى، سونىمەن قاتار جاس تۇرعىندارىمىزدى ىنتالاندىرادى. جان-جاقتى جاعداي جاساۋ ءۇشىن سپورت نىساندارىن جوندەيمىز. مىسالى، بيىل «استانا-ارەنا» ستاديونىندا جۇمىستار جۇرگىزىلدى.

درەناج جۇيەسى، سۋارۋ جۇيەسى جاڭارتىلدى (بۇرىن قولمەن سۋارىلدى)، ەندى كوگالدار FIFA ستاندارتتارىنا سايكەس كەلەدى، كيىم اۋىستىراتىن بولمەلەر اعىمداعى جوندەۋدەن ءوتتى.

سونىمەن قاتار، عيماراتتارداعى بوس ءۇي-جايلاردى ۇتىمدى پايدالانۋ قاجەت.

«استانا ارەنا» ستاديونى بازاسىندا جاۋىنگەرلىك ونەر زالى اشىلدى. بۇگىن «استانا» فۋتبول كلۋبىنىڭ باس جاتتىقتىرۋشىسى اندرەي تيحونوۆپەن جانە «استانا» ف ك گەنديرى داۆيد لوريامەن ىنتىماقتاستىقتىڭ الداعى جوسپارلارى، بالالارىمىزدىڭ ستاديون بازاسىندا جاتتىعۋلارىن وتكىزۋ، ونىڭ ىشىندە سپورتشىلار ىشكى چەمپيوناتتا ونەر كورسەتەتىن فۋتبول كلۋبى نىسانىنىڭ جاڭا ءتۇرى تالقىلاندى. سونداي-اق ءبىز ۇرلەمەلى فۋتبول كورتىن جوندەدىك (جيرەنتايەۆ كوشەسى، 15 ب، الماتى اۋدانى).

ۆەلوسپورت بويىنشا بالالار مەن جاس وسپىرىمدەر سپورت مەكتەبىنە جانە اتىس بويىنشا قۇراما كومانداعا قوسىمشا سپورتتىق قۇرال-جابدىقتار بەرىلدى. ءبىزدىڭ مىندەتىمىز - بالالار مەن جاس وسپىرىمدەر سپورت مەكتەپتەرىن، فەدەراتسيالاردى قولداۋ جانە تۇرعىنداردى سالاۋاتتى ءومىر سالتىنا، سپورتقا باۋلۋ.

مەملەكەت باسشىسىنىڭ تاپسىرماسى بويىنشا قالا تۇرعىندارىن بۇقارالىق سپورتقا باۋلۋ ءۇشىن ساياباقتار، سكۆەرلەر، اۋلالار، جاڭا سپورت كەشەندەرىن سالامىز. بيىل 150 اۋلا مەن 40 قوعامدىق كەڭىستىك سالىنادى. ولاردىڭ بارلىعى كوپ فۋنكسيالى بولادى»، - دەپ جازدى ەلوردا اكىمى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات