22:31, 10 - ماۋسىم 2021 | GMT +6
قازاقستاندا ەكونوميكانى قالپىنا كەلتىرۋ ءۇشىن جاڭا نارىقتاردى يگەرۋ كەرەك - پرەزيدەنت
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ Twitter- دە شەتەلدىك ينۆەستورلار كەڭەسىندە كوتەرىلگەن ماسەلەلەر تۋرالى پىكىرىن ءبىلدىردى، دەپ حابارلايدى قازاقپارات.
«شيكىزاتتىق ەمەس ەكسپورتتى دامىتۋعا ارنالعان شەتەلدىك ينۆەستورلار كەڭەسىنىڭ وتىرىسىن وتكىزدىم. ەكونوميكانى قايتا قالپىنا كەلتىرۋدى ەسكەرە وتىرىپ، سيفرلىق جانە «جاسىل» تەحنولوگيالاردى ەنگىزۋمەن، جاڭا ەكسپورت نارىقتارىن يگەرۋمەن جانە كولىك الەۋەتىن دامىتۋمەن اينالىسۋ قاجەت»، - دەپ جازدى مەملەكەت باسشىسى.
سونداي-اق پرەزيدەنت ۇكىمەت كەڭەس مۇشەلەرىنىڭ سىني ەسكەرتپەلەرى مەن ۇسىنىستارىن نازارعا الاتىنىن جازدى. وسىعان دەيىن قاسىم-جومارت توقايەۆتىڭ شەتەلدىك ينۆەستورلار كەڭەسىنىڭ 33- پلەنارلىق وتىرىسىنا قاتىسقانىن جازعان بولاتىنبىز.