22:16, 10 - ماۋسىم 2021 | GMT +6
قاسىم-جومارت توقايەۆ قاتار سىرتقى ىستەر مينيسترىمەن ەكىجاقتى ىنتىماقتاستىق ماسەلەسىن تالقىلادى
نۇر-سۇلتان. قازاقپارات - قاسىم-جومارت توقايەۆ قاتتار سىرتقى ىستەر مينيسترىمەن ەكىجاقتى ىنتىماقتاستىق ماسەلەسىن تالقىلادى، دەپ حابارلايدى قازاقپارات.
بۇل تۋرالى مەملەكەت باسشىسى ءوزىنىڭ Twitter- دەگى پاراقشاسىندا جازدى.
«قاتار پرەمەر-ءمينيسترىنىڭ ورىنباسارى - سىرتقى ىستەر ءمينيسترى شەيح مۇحاممەد بين ابدۋلراحمان ءال تانيمەن كەزدەستىم. ەكىجاقتى ىنتىماقتاستىقتىڭ اۋقىمدى ماسەلەلەرىن، سونداي-اق، قاتار ءامىرى شەيح تاميم بەن حاماد ءال ءتانيدىڭ قازاقستانعا جاسايتىن ساپارىنا دايىندىق بارىسىن تالقىلادىق»، - دەلىنگەن جازبادا.
وسىعان دەيىن قاسىم-جومارت توقايەۆتىڭ قاتار پرەمەر-ءمينيسترىنىڭ ورىنباسارى، وسى ەلدىڭ سىرتقى ىستەر ءمينيسترى مۇحاممەد بەن ابدۋلراحمان ءال ءتانيدى قابىلداعانىن جازدىق.