مەملەكەت باسشىسى جاسىل ينۆەستيتسيالار نارىعىن كەڭەيتۋ بويىنشا ناقتى ۇسىنىس ەنگىزۋدى تاپسىردى
بۇل تۋرالى شەتەلدىك ينۆەستورلار كەڭەسىنىڭ 33-جالپى وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«2020-جىل وتاندىق Fintech سالاسىنداعى جەتىستىكتەرمەن بەلگىلى بولدى. وتكەن جىلى قازاقستاندىق Kaspi.kz Fintech-كومپانياسى لوندون قور بيرجاسىندا ءى ر و وتكىزدى. كومپانيا قازىرگى ساتتە نارىقتىق كاپيتالدانۋى 17 ميلليارد دوللارعا جەتكەن ەلىمىزدەگى ەڭ قىمبات جاريا كومپانياعا اينالدى. بۇعان قوسا، وعان ينۆەستيتسيا ا ق ش، ەۋروپا، ازيانىڭ جاھاندىق ينۆەستيتسيالىق قورلارىنان كەلىپ وتىر. بۇل وتاندىق Fintech قىزمەتتەردىڭ دامۋى مەن ەكسپورتىنىڭ ايتارلىقتاي الەۋەتى بار ەكەندىگىن بىلدىرەدى»، - دەدى ق ر پرەزيدەنتى.
مەملەكەت باسشىسىنىڭ اتاپ وتۋىنشە، «استانا» حالىقارالىق قارجى ورتالىعى بازاسىندا FinTech Lab رەتتەۋشى قۇمسالعىشى ىسكە قوسىلدى. ونىڭ اياسىندا يننوۆاتسيالىق قىزمەتتەردىڭ 7 ءتۇرى كورسەتىلەدى.
«ۇكىمەت KPMG كومپانياسىنىڭ جەتەكشى حالىقارالىق تەحنولوگيالىق كومپانيالاردى جۇمىس ءوتىلى بار قازاقستاندىقتاردى تارتۋ جانە دامىتۋ باعدارلاماسىن ىسكە قوسۋ جونىندەگى باستاماسىن قولداۋى قاجەت دەپ ەەپتەيمىن. دويچە بانكتىڭ Environmental، social and governance-پەن بايلانىستى جاسىل وبليگاتسيالار جانە قارجى قۇرالدارىن كەڭىنەن ىسكە قوسۋ ۇسىنىسى دا تارتىمدى. ۇلتتىق بانككە، قارجىلىق رەتتەۋ اگەنتتىگىنە جانە «استانا» حالىقارالىق قارجى ورتالىعىنا دويچە بانكتىڭ ۇسىنىسىن زەردەلەۋدى جانە قازاقستاندا جاسىل ينۆەستيتسيالار نارىعىن كەڭەيتۋ بويىنشا ناقتى ۇسىنىس ەنگىزۋدى تاپسىرامىن»، - دەدى قاسىم-جومارت توقايەۆ.