ق ر پرەزيدەنتى: پاندەميا ەل ەكسپورتىنىڭ باعدارىن وزگەرتتى
«بىلتىر قازاقستان 100 گە جۋىق وتاندىق ەكسپورتتاۋشىنى Ali baba حالىقارالىق ينتەرنەت پالتفورماسىنا شىعاردى. 4000 نان استام قازاقستاندىق تاۋار اتالىمى حالىقارالىق نارىققا جول الدى. جابىق شەكارالار جاعدايىندا ءبىز ەكسپورتتىق باعىتتارىمىز جابىق قالعان ءداستۇرلى سالالاردان جاڭا ساتىپ الۋ نارىقتارىنا باعدارلاي الدىق. مىسالى، ءبىز مۇزداتىلعان ەتتى قىتاي نارىعىنان ورتالىق ازيا مەن تاياۋ شىعىس ەلدەرىنىڭ نارىعىنا باعىتتاي الدىق»، - دەدى پرەزيدەنت.
سونداي-اق، پرەزيدەنت قازىر تاماق ونىمدەرىن جەتكىزۋدىڭ اياسىن كەڭەيتە ءتۇسۋ ماڭىزدى ەكەنىن اتادى.
«جالپى العاندا، مال شارۋاشىلىعىنىڭ ساپالى ءارى ەكولوگيالىق تازا ءونىمىن ەكسپورتتاۋ ءبىز ءۇشىن باسىم باعىتقا اينالۋى كەرەك. وتاندىق ونىمدەردىڭ ساپاسى مەن قاۋىپسىزدىگى حالىقارالىق دەڭگەيدە مويىنداۋى ماڭىزدى. بۇل ماسەلە ساۋدا جانە ينتەگراتسيا مينيسترلىگىنىڭ، اۋىل شارۋاشىلىعى مينيسترلىگىنىڭ ەكسپورتتاۋشىلاردى قولداۋداعى باستى باعىتتارىنىڭ بىرىنە اينالۋى قاجەت»، - دەدى مەملەكەت باسشىسى.