پاندەميا كەزىندە شيكىزاتتىق ەمەس ەكسپورت كولەمى كوپ قىسقارعان جوق - پرەزيدەنت

نۇر-سۇلتان. قازاقپارات - پرەزيدەنت قاسىم-جومارت توقايەۆ شەتەلدىك ينۆەستورلار كەڭەسىنىڭ وتىرىسىندا پاندەميا كەزىندە شەتەلدىك ينۆەستيتسيانىڭ كومىگىمەن 7000 نان استام جۇمىس ورنى اشىلعانىن اتادى، دەپ حابارلايدى قازاقپارات ءتىلشىسى.

«پاندەميا كەزىندە قازاقستاننىڭ شيكىزاتتىق ەمەس تاۋارلار ەكسپورتى 15 ميلليارد دوللاردى قۇراپ، مەيلىنشە از - 2,8 پايىزعا قىسقارعانى قۋانتادى. وسىناۋ داعدارىس جىلىندا ءبىز 18 ميلليارد دوللاردان استام تىكەلەي شەتەلدىك ينۆەستيتسيا تارتا الدىق. بىلتىر شەتەلدىك قاتىسۋمەن وڭىرلەردە جالپى سوماسى 1,6 ميلليارد دوللار بولاتىن 41 ينۆەستيتسيالىق جوبا قولعا الىندى. 7000 نان استام جۇمىس ورنى قۇرىلدى. الەم ەكونوميكاسى قالپىنا كەلە باستاعان كەزدە قازاقستان دا ەكونوميكالىق ءوسىم قارقىنىڭ ارتتىرىپ جاتىر. ءبىزدىڭ ۇكىمەتتىڭ بولجامى بويىنشا، بۇل ءوسىم 3,5 پايىز بولۋى مۇمكىن. بۇدان جوعارى ىقتيمال قارقىن كۇتىپ وتىرمىز»، - دەدى مەملەكەت باسشىسى.