س ءى م باسشىسى شەتەلدىك جۇمىس كۇشىنە كۆوتا بەگىلەۋدىڭ جاڭا ءتارتىبىن ءتۇسىندىردى
«ادامي كاپيتالدىڭ ساپاسىن جاقسارتۋ شەڭبەرىندە حالىقتى جۇمىسپەن قامتۋعا جانە ازاماتتاردى كاسىپكەرلىككە تارتۋعا باعىتتالعان «ەڭبەك» مەملەكەتتىك باعدارلاماسى ىسكە اسىرىلۋدا. باعدارلامانىڭ نەگىزگى مىندەتى ەڭبەك نارىعىنىڭ قاجەتتىلىكتەرىن ەسكەرە وتىرىپ، كادرلار دايارلاۋ بولىپ تابىلادى»، - دەگەن پرەمەر-ءمينيستردىڭ ورىنباسارى شەتەلدىك جۇمىس كۇشىن تارتۋ ءتارتىبىن جەتىلدىرۋ ماقساتىندا 2020-جىلى «كوشى-قون تۋرالى» زاڭعا وزگەرىس ەنگىزىلگەنىن ەسكە سالدى.
«كوشى-قون تۋرالى» زاڭعا شەتەلدىك جۇمىس كۇشىنىڭ ەڭبەك قىزمەتىنە رۇقسات الۋ راسىمدەرىن رەتتەۋ بويىنشا تۇزەتۋلەر ەنگىزىلدى. زاڭدا ەكى جانە ودان دا كوپ وڭىرلەردىڭ اۋماعىندا ارەكەت ەتەتىن شەتەلدىك قىزمەتكەرلەردىڭ ەڭبەك قىزمەتىنە رۇقساتتار بەرۋ، سونداي-اق شەتەلدىك جۇمىس كۇشى ءۇشىن كۆوتالار بەلگىلەۋ كەزىندە ەكونوميكالىق قىزمەت تۇرلەرىن جانە ساناتتار بويىنشا ءبولۋدى الىپ تاستاۋ كوزدەلگەن. شەتەلدىك جۇمىس كۇشىن تارتۋعا كۆوتا بەلگىلەۋ جونىندەگى وكىلەتتىكتەر ۇكىمەتتەن ەڭبەك جانە الەۋمەتتىك قورعاۋ مينيسترلىگىنە بەرىلدى»، - دەدى مۇحتار تىلەۋبەردى شەتەلدىك ينۆەستورلار كەڭەسىنىڭ وترىسىندا.