+7 (701) 759 90 19
25 °С : نۇر-سۇلتان
25 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

باقىت سۇلتانوۆ پاندەميا كەزىندە اشىلعان جاڭا نارىقتاردى اتادى

10 ماۋسىم 17:25
:ءبولىسۋ
باقىت سۇلتانوۆ پاندەميا كەزىندە اشىلعان جاڭا نارىقتاردى اتادى

نۇر- سۇلتان. قازاقپارات - 2020 -جىلى پاندەميا سالدارىنان قازاقستان تاۋارلارى ەكسپورتقا شىعارىلاتىن نارىقتار 190-نان 119 ەلگە قىسقاردى.

بۇل تۋرالى شەتەلدىك ينۆەستورلار كەڭەسىنىڭ 33-جالپى وتىرىسىندا ق ر ساۋدا جانە ينتەگراتسيا ءمينيسترى باقىت سۇلتانوۆ ايتتى، دەپ حابارلايدى قازاقپارات ءتىلشىسى.

«پاندەميا سالدارىنان تۋىنداعان ەكونوميكالىق جانە الەۋمەتتىك كۇيزەلىس بۇكىل الەمدىك ساۋداعا، ونىڭ ىشىندە قازاقستاندىق ءونىم ەكسپورتىنا ايتارلىقتاي اسەرىن تيگىزدى. داعدارىس قازاقستاندىق ەكسپورتتىڭ گەوگرفياسىنا دا ىقپال ەتتى. پاندەميالىق 2020 -جىلى سوڭعى 3 جىلدا ءوز ونىمدەرىمىزدى جەتكىزىپ جۇرگەن ەلدەردىڭ سانىن 190-نان 119-عا دەيىن قىسقاردى. بۇل قوسىلعان قۇن تىزبەگىنىڭ وزگەرۋىنە، ءۇشىنشى ەلدەردىڭ اراسىنداعى سانكسيالىق تەكەتىرەستەرگە، ساۋدا سەرىكتەستەردىڭ تاۋارلاردى تاسىمالداۋداعى كارانتيندىك شەكتەۋلەرىنە بايلانىستى ورىن الدى. دەگەنمەن باگام ارالدارى، كامەرۋن، سۋدان، بوسنيا مەن گەرتسەگوۆينا، سالۆادور، نيكاراگۋا، كايمان ارالدارى، گايانا سىندى جاڭا نارىقتار اشىلدى»، - دەدى مينيستر.

ونىڭ اتاپ وتۋىنشە، كارانتيندىك شەكتەۋلەر مەن جەتكىزۋ تىزبەگىندەگى ىركىلىس اۋىل شارۋاشىلىعى تاۋارلارى ساۋداسىنا قاتتى اسەر ەتە قويعان جوق. الەم ەلدەردىڭ بازالىق ازىق- تۇلىكتەردى كوپتەپ ساتىپ الۋىنا بايلانىستى قازاقستان اۋىل شارۋاشىلىعى ونىمدەرىنىڭ ەكسپورتىن 18,1 پايىزعا ارتتىردى. دەگەنمەن، لوكداۋن ۋاقىتىندا ازىق- تۇلىك ەمەس تاۋارلارىنا سۇرانىس 20 پايىزعا تومەندەپ كەتتى. «تولىقتاي العاندا، ەكسپورتتالاتىن تاۋارلار پوزيتسياسى 2020 -جىلدىڭ ىشىندە 5,8 پايىزعا قىسقاردى»، - دەدى باقىت سۇلتانوۆ.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات