+7 (701) 759 90 19
31 °С : نۇر-سۇلتان
36 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

ق ر پرەزيدەنتى: قازاقستان ينۆەستيتسيا تارتۋ جاعىنان وڭىردە كوشباسشى بولىپ قالۋى كەرەك

10 ماۋسىم 17:02
:ءبولىسۋ
ق ر پرەزيدەنتى: قازاقستان ينۆەستيتسيا تارتۋ جاعىنان وڭىردە كوشباسشى بولىپ قالۋى كەرەك

نۇر- سۇلتان. قازاقپارات - قازاقستان شەتەل ينۆەستيتسياسىن تارتۋعا بارىنشا قولايلى جاعداي جاساۋ ساياساتىن جالعاستىرادى.

بۇل تۋرالى شەتەلدىك ينۆەستورلار كەڭەسىنىڭ 33- جالپى وتىرىسىندا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«بۇگىنگى جالپى وتىرىستىڭ تاقىرىبى شيكىزاتتىق ەمەس سەكتوردى دامىتۋعا ارنالعان. ۇزاققا سوزىلعان شيكىزاتتىق سۋپەرتسيكلدىڭ اياقتالاتىندىعىن بىرنەشە رەت اتاپ ەتكەن ەدىم. مۇنايعا سۇرانىس پەن ونىڭ باعاسىنىڭ وسىعان دەيىن اۋىتقۋىنا قاراعاندا بۇل جولعى كونيۋنكتۋرا احۋالعا بايلانىستى نارىقتىق سەبەپتەرمەن عانا ايقىندالمايدى. ول ءبىزدىڭ كوز الدىمىزدا ءوتىپ جاتقان تەرەڭ تەحنولوگيالىق قوزعالىسقا باعىنادى. ۇلتتىق ەكونوميكانى جاسىلداندىرۋ بويىنشا جوسپارلار مەن بولجامدار مەملەكەتتىك ساياساتتىڭ ناقتى ءىس- شارالارىنا اينالۋدا. بۇل قازاقستاندىق ەكونوميكانىڭ تەحنولوگيالىق كۇردەلەنۋى مەن اۋقىمدى جاسىلدانۋىن ءارتاراپتاندىرۋدا بالاماسىز ەكەندىگىن دالەلدەيدى»، - دەدى مەملەكەت باسشىسى.

قاسىم- جومارت توقايەۆ قازاقستان ەكونوميكالىق جۇيە رەتىندە ىشكى ينۆەستيتسياعا، ىشكى سۇرانىس پەن شيكىزات ەكسپورتىنا عانا ارقا سۇيەي المايتىندىعىن باسا ايتتى.

«ەلىمىز ساپالى شەتەلدىك ينۆەستيتسيا تارتۋعا بارىنشا قولايلى جاعداي جاساۋ ساياساتىن جالعاستىرادى. ءبىز وڭىردەگى جانە ت م د- داعى كوشباسشىلىعىمىزدى ساقتاپ قالۋعا نيەتتەمىز. قازاقستاندىق لوكالدى قۇن قۇرۋ بويىنشا ىشكى سۇرانىس پەن ءوندىرىس بولىگىندەگى ساياساتىمىز وزگەرىسسىز قالادى. بۇعان قوسا، مۇنداي ءىس- شارالار بارىنشا نارىقتىق بولۋى ءتيىس. ولار بۇرمالانباۋى كەرەك. ولاي بولعان جاعدايدا جاھاندىق نەمەسە وڭىرلىك باسەكەگە قابىلەتتىلىككە قول جەتكىزۋ مۇمكىن ەمەس»، - دەدى ق ر پرەزيدەنتى.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات