+7 (701) 759 90 19
19 °С : نۇر-سۇلتان
17 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

مەملەكەت باسشىسىنىڭ توراعالىعىمەن شەتەلدىك ينۆەستورلار كەڭەسى باستالدى

10 ماۋسىم 16:03
:ءبولىسۋ
مەملەكەت باسشىسىنىڭ توراعالىعىمەن شەتەلدىك ينۆەستورلار كەڭەسى باستالدى

نۇر- سۇلتان. قازاقپارات - ق ر پرەزيدەنتى قاسىم- جومارت توقايەۆتىڭ توراعالىعىمەن شەتەلدىك ينۆەستورلار كەڭەسىنىڭ 33- جالپى وتىرىسى باستالدى، دەپ حابارلايدى قازاقپارات ءتىلشىسى.

بۇل جولعى وتىرىس بارىسىندا شيكىزاتتىق ەمەس ەكسپورتتى دامىتۋ ماسەلەسى كەڭىنەن تالقىلانباق. ءىس- شاراعا ءىرى تۇرانسۇلتتىق كومپانيالاردىڭ باسشىلارى، مەملەكەتتىك ورگانداردىڭ جەتەكشىلەرى مەن حالىقارالىق ۇيىمداردىڭ وكىلدەرى قاتىسۋدا.

جالپى وتىرىس بارىسىندا ەۋروپالىق قايتا قۇرۋ جانە دامۋ بانكىنىڭ پرەزيدەنتى وديل رەنو- باسسو ءسوز سويلەپ، ق ر پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى كەڭەستىڭ 32- جالپى وتىرىسىنداعى حاتتامالىق تاپسىرمالاردىڭ ورىندالۋى تۋرالى، ال ساۋدا جانە ينتەگراتسيا ءمينيسترى باقىت سۇلتانوۆ بۇگىنگى ءىس- شارانىڭ نەگىزگى تاقىرىبى جايىندا ءسوز قوزعاماق.

ايتا كەتەيىك، پرەزيدەنت جانىنداعى شەتەلدىك ينۆەستورلار كەڭەسى ق ر كونستيتۋتسياسىنىڭ 44-بابىنىڭ 20) تارماقشاسىنا سايكەس، ق ر پرەزيدەنتىنىڭ 1998 -جىلعى 30 -ماۋسىمداعى №3985 جارلىعىمەن قۇرىلدى.

شەتەلدىك ينۆەستورلار كەڭەسى قازاقستان رەسپۋبليكاسى پرەزيدەنتىنىڭ جانىنداعى كونسۋلتاتيۆتىك- كەڭەسشى ورگان بولىپ تابىلادى.

مەملەكەت باسشىسى ءتوراعالىق ەتەتىن كەڭەستىڭ نەگىزگى مىندەتى: قازاقستان رەسپۋبليكاسىنىڭ ينۆەستيتسيالىق ساياساتىنىڭ نەگىزگى باعىتتارىن ايقىنداۋ؛

قازاقستان رەسپۋبليكاسىنداعى ينۆەستيتسيالىق احۋالدى جاقسارتۋ؛

قازاقستان رەسپۋبليكاسىنىڭ ينۆەستيتسيالار تۋرالى نورماتيۆتىك قۇقىقتىق بازاسىن جەتىلدىرۋ؛

قازاقستان رەسپۋبليكاسىنىڭ ەكونوميكاسىن ءارتاراپتاندىرۋعا، ونەركاسىپ سەكتورىن يندۋستريالاندىرۋعا، شاعىن جانە ورتا بيزنەسىن دامىتۋعا شەتەلدىك كومپانيالاردىڭ جاردەمدەسۋى؛

قازاقستان رەسپۋبليكاسىنىڭ ەكونوميكاسىن الەمدىك ەكونوميكالىق پروتسەستەرگە ينتەگراتسيالاۋ؛

قازاقستان رەسپۋبليكاسىنىڭ ەكونوميكاسىنا شەتەلدىك ينۆەستيتسيالاردى تارتۋ ستراتەگياسى؛

قازاقستان رەسپۋبليكاسىنىڭ حالىقارالىق ماڭىزى بار ءىرى ينۆەستيتسيالىق باعدارلامالارى مەن جوبالارىن ىسكە اسىرۋ ماسەلەلەرى بويىنشا ۇسىنىمدار مەن ۇسىنىستار ازىرلەۋ.

قازىرگى ۋاقىتتا كەڭەس قۇرامىنا 37 ءىرى ترانسۇلتتىق كومپانيا مەن حالىقارالىق ۇيىمداردىڭ، نەگىزگى مينيسترلىكتەردىڭ باسشىلارى كىرەدى.

اۆتور: مارلان جيەمباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات