15:56, 10 - ماۋسىم 2021 | GMT +6
كەنيادا كوروناۆيرۋسقا قارسى ۆاكسينانىڭ ورنىنا سۋدى پايدالانعان
نۇر- سۇلتان. قازاقپارات - كەنياداعى مەملەكەتتىك اۋرۋحانالارداعى مەديتسينا قىزمەتكەرلەرى جەرگىلىكتى تۇرعىندارعا Covid-19 ۆاكسيناسىنىڭ ورنىنا سۋ سالعان، دەپ حابارلايدى قازاقپارات News24-كە سىلتەمە جاساپ.
افريكا ەلىنىڭ تۇرعىندارى ەلدىڭ COVID-19 ۆاكسيناسىن جوسپارعا سايكەس انگلو- شۆەد فارماتسيەۆتيكالىق كومپانياسى AstraZeneca پرەپاراتىمەن تەگىن الۋعا قۇقىلى.
ۆاكسينالاۋ مەملەكەت اككرەديتتەگەن ارنايى مەديتسينالىق ورتالىقتاردا جۇرگىزىلەدى. الايدا ءدارى- دارمەكتىڭ جەتىسپەۋىنە بايلانىستى كەيبىر دارىگەرلەر كەنيالىقتارعا اقشا ءۇشىن ۆاكسينا ۇسىنا باستاعان، ال ۆاكسينانىڭ ورنىنا سۋ ەنگىزگەن. ەلدىڭ دەنساۋلىق ساقتاۋ ءمينيسترى مۋتاحي كاگۆە ازاماتتاردى ۆاكسينا ءۇشىن تولەم جاساماۋعا جانە تەگىن ءدارى- دارمەك كۇتپەۋگە شاقىردى.
ونىڭ ايتۋىنشا، بيلىك الاياقتىقتىڭ وسىنداي جاعدايلارىن تەرگەۋدى باستادى جانە قىلمىستىق ءىس قوزعادى.
اۆتور: گۇلزات اقجولوۆا