جەڭىل اتلەتيكادان ەكى قازاقستاندىق سپورتشى وليمپيادا جولداماسىن يەلەندى

الماتى. قازاقپارات - «Altay Athletics» كلۋبىنىڭ سپورتشى قىزدارى ەكى وليمپيادا جولداماسىن يەلەندى، دەپ حابارلايدى قازاقپارات قازاقستاننىڭ جەڭىل اتلەتيكا فەدەراتسياسىنا سىلتەمە جاساپ.

«جەڭىل اتلەتيكادان قازاقستان بىرىنشىلىگىندە «Altay Athletics» كلۋبىنىڭ سپورتشى قىزدارى ەكى وليمپيادا جولداماسىن يەلەندى. جارىستىڭ ەكىنشى كۇنى نادەجدا دۋبوۆيتسكايا مەن كريستينا وۆچيننيكوۆا ءنورماتيۆتى ورىنداپ، ءبىرى 2 مەتر، ەكىنشىسى 1,96 م بيىككە سەكىردى»، دەلىنگەن حابارلامادا.

ال، نادەجدا دۋبوۆيتسكايا ازيا رەكوردىن جاڭارتتى. ايتا كەتەرلىگى، جەڭىل اتلەت ماريا وۆچيننيكوۆا وليمپيادا جولداماسىن يەلەندى.

ەسكە سالا كەتسەك، 7-9-ماۋسىم ارالىعىندا الماتى قالاسىندا جەڭىل اتلەتيكادان قازاقستان چەمپيوناتى وتەدى. جارىسقا ەلىمىزدىڭ بارلىق وڭىرىنەن 241 سپورتشى قاتىسىپ جاتىر. جارىس كەستەسىن qazathletics.kz سايتىنان كورۋگە بولادى.