تەننيس: زارينا دياس نوتتينگەم ءتۋرنيرىنىڭ ءۇشىنشى اينالىمىنا شىقتى

None
None
نۇر- سۇلتان. قازاقپارات - قازاقستاندىق زارينا دياس نوتتينگەم ( ۇلى بريتانيا) WTA 250 ءتۋرنيرىنىڭ ءۇشىنشى اينالىمىنا شىقتى، دەپ حابارلايدى قازاقپارات ءتىلشىسى.

الەمنىڭ 93 ءىنشى، وسى دودانىڭ 16-راكەتكاسى ز. دياس جارىستى بىردەن ەكىنشى اينالىمنان باستاپ، دۇنيەجۇزىلىك رەيتينگىدە 151-ورىندا تۇرعان اۋستراليالىق ليزەتت كابرەرامەن كەزدەستى.

ءبىرىنشى پارتيادا برەيك جاساعان اۋستراليالىق تەننيسشى سول باسىمدىعىنان ايىرىلعان جوق - 6:4. ەكىنشى سەتتە ەسەپ 1:1 بولعان مەزەتتە ل. كابرەرا تاعى ءبىر برەيك جاساپ كەتتى. دەگەنمەن زارينا سول بويدا تارازى باسىن تەڭەستىردى - 2:2. ەسەپ 4:3 بولعاندا، تاعى ءبىر برەيككە قول جەتكىزدى - 5:3.

سودان كەيىن سەتكە دوپ بەرگەندە، مۇمكىندىگىن پايدالانا الدى - 6:3. ءۇشىنشى، شەشۋشى پارتيادا ەسەپ 2:2 بولعان مەزەتتە قازاقستاندىق سپورتشى برەيك جاساپ، ءوز گەيمىن دە الا ءبىلدى - 4:2. اقىرى ماتچتى جەڭىسپەن تۇيىندەدى - 6:4. تارتىستى باسەكە 2 ساعات 9 مينۋتقا سوزىلدى.

زارينا دياس جۇلدە قورى 235 مىڭ ا ق ش دوللارىنان اساتىن جارىستىڭ شيرەك فينالىنا شىعۋ ءۇشىن الەمنىڭ 46-راكەتكاسى، قىتايلىق جاڭ شۋاي نەمەسە رەيتينگىدە 169-ساتىداعى تاعى ءبىر اۋستراليالىق ارينا روديونوۆانىڭ بىرەۋىمەن تالاسادى.

تەننيسشىلەر ءۇشىن ۋيمبلدون ءتۋرنيرى قارساڭىنداعى دايىندىق كەزەڭى بولىپ سانالاتىن نوتتينگەم دوداسى 13-ماۋسىمدا مارەگە جەتەدى.

ەسكە سالا كەتەيىك، بۇدان بۇرىن ا. بۋبليك پەن ا. گولۋبيەۆتىڭ جارتىلاي فينالعا شىققانىن جازعان بولاتىنبىز. سونداي- اق د. ەۆسەيەۆ پەن د. پوپكو الماتى ءتۋرنيرىنىڭ ەكىنشى اينالىمىنا شىقتى. ەلەنا رىباكينا جەكەلەي سىندا رولان گارروس ءتۋرنيرىنىڭ جارتىلاي فينالىنا شىعا المادى.

سوڭعى جاڭالىقتار