+7 (701) 759 90 19
27 °С : نۇر-سۇلتان
30 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

«كۇنباعىس» فيلمى ەكى حالىقارالىق فەستيۆالگە قاتىسىپ جاتىر

9 ماۋسىم 11:49
:ءبولىسۋ
«كۇنباعىس» فيلمى ەكى حالىقارالىق فەستيۆالگە قاتىسىپ جاتىر

نۇر- سۇلتان. قازاقپارات - «كۇنباعىس» فيلمى ەكى حالىقارالىق فەستيۆالگە قاتىسىپ جاتىر، دەپ حابارلايدى قازاقپارات «قازاقفيلم» كينوستۋدياسىنا سىلتەمە جاساپ.

رەجيسسەر ەليا گيلمان تۇسىرگەن «كۇنباعىس» كوركەم فيلمى يزرايلدە 6-8- ماۋسىم ارالىعىندا وتەتىن Near Nazareth Festival حالىقارالىق كينوفەستيۆالىنىڭ باعدارلاماسىنا قاتىسادى. فيلمدى ق ر مادەنيەت جانە سپورت مينيسترلىگىنىڭ تاپسىرىسى بويىنشا «قازاقفيلم» كينوستۋدياسى «ستالكەر سينەما» ج ش س- مەن بىرلەسىپ تۇسىرگەن.

«كۇنباعىس» فيلمىنىڭ وقيعا جەلىسى وتباسىنداعى ەرەسەك ادامداردىڭ ماسەلەسىن شەشۋگە تىرىسقان، ينتەرنەتكە تاۋەلدى 14 جاستاعى جاسوسپىرىم تۋرالى باياندايدى.

«بۇل وقيعا - مەنىڭ بارلىق اتا- انالارعا جولداۋىم، مەن سياقتى ءوز بالالارىن تاربيەلەپ وتىرعان، بۇكىل الەمدەگى انالار مەن اكەلەر مەنى تۇسىنەدى دەپ ۇمىتتەنەمىن. جاسوسپىرىم بولۋ، ەرەجەلەردىڭ قىسىمىنا قارسى تۇرۋ قيىن. ءبىز بالالارىمىزعا جاقىن بولۋعا جانە ولاردى جاقسى كورۋ ءۇشىن قولدان كەلگەننىڭ ءبارىن جاساۋىمىز كەرەك»، - دەدى رەجيسسەر ەليا گيلمان.

Near Nazareth Festival جىل سايىن دۇنيە جۇزىنەن رەجيسسەرلەردى شاقىرىپ، الەم حالىقتارى اراسىندا دوستىق قارىم- قاتىناس ورناتۋعا جاردەمدەسۋدى ماقسات ەتەدى. بۇل فەستيۆالگە ءارتۇرلى جانرلار مەن ساناتتاعى فيلم قابىلدانادى.

سونىمەن قاتار «كۇنباعىس» فيلمى Cannes Film Awards حالىقارالىق كينوفەستيۆالىنىڭ كونكۋرستىق باعدارلاماسىنا قاتىسادى. قازاقستاندىق كينوتۋىندى ەكى نوميناتسيا بويىنشا ۇسىنىلادى، ال فەستيۆال قورىتىندىسى 9-ماۋسىم كۇنى جاريالانادى.

ايتا كەتۋ كەرەك، بۇگىنگى تاڭدا «كۇنباعىس» كارتيناسى بىرنەشە حالىقارالىق كينوفەستيۆالدەردىڭ جۇلدەگەرى اتاندى. بۇعان دەيىن اتالمىش فيلم Venice Film Awards فەستيۆالىندە «ۇزدىك رەجيسسەر» سىيلىعىن؛ WRPN Women's International Film Festival فەستيۆالىندە «كەرەمەت شەبەرلىگى ءۇشىن» سىيلىعىن (2020)؛ White Nights Film Festival بايقاۋىندا قازىلار القاسىنىڭ ارنايى سىيلىعىن (سانكت- پەتەربۋرگ، ءساۋىر، 2021) الدى.

جۋىردا وتكىزىلگەن Istanbul Film Awards حالىقارالىق فەستيۆالىندە قازاقستاندىق فيلم ايدىڭ قورىتىندىسى بويىنشا بىردەن 7 ماراپاتقا يە بولدى: «ۇزدىك دراما»، «ايەلدەر اراسىنداعى ۇزدىك رەجيسسەر» (ەليا گيلمان)، «ۇزدىك شەتەلدىك فيلم»، «ۇزدىك وپەراتور» (الەكسەي كيريۋحين)، «ۇزدىك بالا بەينەسى» (راشيد مۋسين)، «ۇزدىك اكتەر» (ەركەبۇلان دايىروۆ) جانە «ۇزدىك اكتريسا» (سلابودا ميحالوۆيچ) .



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات