+7 (701) 759 90 19
20 °С : نۇر-سۇلتان
21 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

جانىبەك ءالىمحان ۇلى مايك تايسوننىڭ سپاررينگ قارسىلاسىمەن دايىندالىپ جاتىر

8 ماۋسىم 22:30
:ءبولىسۋ
جانىبەك ءالىمحان ۇلى مايك تايسوننىڭ سپاررينگ قارسىلاسىمەن دايىندالىپ جاتىر

نۇر-سۇلتان. قازاقپارات - ورتا سالماقتا ونەر كورسەتەتىن قازاقستاندىق بوكسشى جانىبەك ءالىمحان ۇلى (9-0، 5 ك و) روب برانتقا (26-2، 18 ك و) قارسى كەزدەسۋىنە اتاقتى مايك تايسوننىڭ سپاررينگ قارسىلاسىمەن بىرگە دايىندالىپ جاتىر، دەپ جازادى Vesti.kz پورتالى.

«بۇل جىگىت لۋيس روۋس دەگەن باتىر. رەكوردى 17-3. تايسون مەن روي دجونس جۇدىرىقتاسقاندا تەمىر تايسوننىڭ سپاررينگ قارسىلاسى بولعان ازۋلى بوكسشى. ودان بولەك جانىبەكتىڭ قارسىلاسى روب برانتپەن جۇدىرىقتاسقان. ستيلى بولەك، سوققىسى اۋىر ءارى جىلدام. قازىر جانىبەك ءالىمحان ۇلىنىڭ سپاررينگ قارسىلاسى بولىپ ءجۇر. دايىندىق جوعارى دەڭگەيدە ءوتىپ جاتىر. قۇداي قالاسى جەكپە-جەككە 3 اپتا قالدى»، - دەپ جازدى بوكسشى الەۋمەتتىك جەلىدەگى پاراقشاسىندا.

ايتا كەتەيىك، جانىبەك ءالىمحان ۇلى (9-0، 5 ك و) مەن روب برانت (26-2، 18 ك و) اراسىنداعى كەزدەسۋ 26- ماۋسىم لاس-ۆەگاس (ا ق ش) قالاسىندا وتەدى. ايقاس ون راۋندقا جوسپارلانعان. بۇل بوكس كەشىنىڭ باستى جەكپە-جەگىندە ۋكراينالىق ۆاسيلي لوماچەنكو (14-2، 10 ك و) مەن جاپونيالىق ماساەشي ناكاتاني 19-1، 13 ك و) جۇدىرىقتسادى.

بوب برانت 2018-جىلى ريوتا مۋراتانى (14-2، 10 ك و) جەڭىپ، WBA Regular بەلبەۋىن جەڭىپ الادى. الايدا ارادا ءبىر جىل سالىپ قارىمتادا ول نوكاۋتقا ءتۇسىپ قالدى. امەريكالىق بوكسشى سوڭعى رەت شارشى الاڭعا وتكەن جىلدىڭ تامىزىندا شىعىپ، ۋكراينالىق ۆيتالي كوپيلەنكونى (28-3, 16 ك و) جەڭدى.

ەسكە سالايىق، ءالىمحان ۇلىنىڭ دا، برانتتىڭ دا جەكپە-جەكتەرىن Top Rank پروموۋتەرلىك كومپانياسى ۇيىمداستىرادى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات