+7 (701) 759 90 19
20 °С : نۇر-سۇلتان
21 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

قازاقستاندىق سپورتشى پارا-بيدەن الەم كۋبوگىندا كۇمىس ەنشىلەدى

8 ماۋسىم 19:31
:ءبولىسۋ
قازاقستاندىق سپورتشى پارا-بيدەن الەم كۋبوگىندا كۇمىس ەنشىلەدى

نۇر-سۇلتان. قازاقپارات - قازاقستاندىق سپورتشى ماليكا مۇحتاروۆا پارا-بيدەن يتاليادا وتكەن الەم كۋبوگىندا كۇمىس جۇلدەگە يە بولدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

«سەزىمىمدى سوزبەن ايتىپ جەتكىزە المايمىن. ءبىراق، شىنىمدى ايتسام، ءوزىمنىڭ قويىلىمىما 100 پايىز كوڭىلىم تولمادى. بۇل كارانتيننەن كەيىنگى العاشقى حالىقارالىق جارىس، سوندىقتان ءبارى ءالى الدا. جارىستا كۇتپەگەن جاعدايلار بولدى، مىسالى جۇرت الدىنا شىعار الدىندا كويلەگىمنىڭ بەلبەۋى جىرتىلىپ قالدى. ونى پاركەتكە شىعار الدىندا عانا تىكتى. اربام دا سىنىپ قالا جازدادى. ءبىراق، ءبىزدىڭ قۇرامامىزعا ەشنارسە كەدەرگى كەلتىرە المايدى»، - دەپ ءبولىستى ماليكا.

باسەكە گەنۋيا قالاسىندا ءوتتى. وندا قازاقستان نامىسىن 4 سپورتشى قورعادى. الەم كۋبوگى 2022-جىلى كورەيادا وتەتىن الەم چەمپيوناتىنا تىكەلەي ىرىكتەۋ بولىپ سانالادى. جارىسقا الەمنىڭ 12 ەلىنەن 300 دەن استام سپورتشى قاتىستى.

«مەن ەشقانداي نانىم-سەنىمگە سەنبەيمىن. مەنىڭ ومىرلىك ۇرانىم: «مەن بولماسام كىم؟» نەمەسە «مەنەن باسقا بۇل ماقساتقا كىم جەتەدى». مىنە ءوزىمدى وسىلاي قايرايمىن. پارا-بي مەن ءۇشىن ءوزىمدى فيزيكالىق تۇرعىدا شىڭداۋ، شىدامدىلىعىمدى تەكسەرۋ، ال ەڭ الدىمەن كوماندانىڭ بىرلىگى. وسىنىڭ ءبارى العا ۇمتىلۋىما موتيۆاتسيا بەرەدى»، - دەيدى ماليكا مۇحتاروۆا.

ايتا كەتەيىك، تورەشىلەر بريگاداسىنا قازاقستاننىڭ ەڭبەك سىڭىرگەن جاتتىقتىرۋشىسى، ەلوردالىق پارا-بي مەكتەبىنىڭ جاتتىقتىرۋشىسى ءاليا مايدان قىزى شاقىرىلدى. ىرىكتەۋ ۇلتتىق پاراليمپيادا كوميتەتىنىڭ جانە جەكە كوميسسيانىڭ شەشىمىمەن ءوتتى. الەم كۋبوگىنىڭ كۇمىس جۇلدەگەرى بۇگىن نۇر-سۇلتانعا جەرگىلىكتى ۋاقىتپەن 23:15 تە كەلەدى.

:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات