مەملەكەتتىك رامىزدەرگە ءتىل تيگىزگەن پاۆلودار وبلىسىنىڭ تۇرعىنى قاماۋعا الىندى

پاۆلودار. قازاقپارات - پاۆلودار وبلىسىندا اۋىل تۇرعىنى مەملەكەتتىك رامىزدەرگە ءتىل تيگىزگەنى ءۇشىن قاماۋعا الىندى. ول ماس كۇيىندە بولعان، ءوز ءىس- ارەكەتىن باقىلاۋدا ۇستاي الماي، الەۋمەتتىك جەلىدە ق ر مەملەكەتتىك رامىزدەرىنىڭ اتىنا بەيادەپ سوزدەر ايتقان، دەپ حابارلايدى قازاقپارات ءتىلشىسى.

«بەسىنشى ماۋسىم كۇنى پاۆلودار اۋدانىنىڭ پوليتسياسىنا وبلىس ورتالىعىنىڭ 42 جاستاعى تۇرعىنى حابارلاسىپ، الەۋمەتتىك جەلى پايدالانۋشىسىن اكىمشىلىك جاۋاپكەرشىلىككە تارتۋدى ءوتىندى. مۇنداي شاعىمىنىڭ سەبەبى ەر ادامنىڭ Instagram-داعى قازاقستان رەسپۋبليكاسىنىڭ مەملەكەتتىك رامىزدەرىنىڭ اتىنا ادەپسىز سويلەۋى بولدى، وسىلايشا اۋىل تۇرعىنى مەملەكەتتىك رامىزدەرگە قۇرمەت كورسەتپەدى»، - دەدى پاۆلودار وبلىسى پاۆلودار اۋدانى پوليتسيا ءبولىمىنىڭ باستىعى دۋلات توكەنوۆ.

ءوڭىردىڭ پوليتسيا دەپارتامەنتىنىڭ باسپا ءسوز قىزمەتى ءتارتىپ بۇزۋشىنىڭ انىقتالىپ، ۇستالعانىن اتاپ ءوتتى. ول پاۆلودار اۋدانى ەفرەموۆكا اۋىلىنىڭ 38 جاستاعى تۇرعىنى بولىپ شىقتى. ەر ادام ءوزىنىڭ قاتەلىگىن ماس كۇيىندە بولۋىمەن جانە ارەكەتتەرىن باقىلاماۋىمەن ءتۇسىندىردى.

«اۋىل تۇرعىنىنا قاتىستى ءتارتىپ ساقشىلارى ق ر ا ق ب ت ك- ءنىڭ 434-بابى 1-تارماعى («ۇساق بۇزاقىلىق» بابى) بويىنشا اكىمشىلىك ءىس قوزعادى. ماتەريال سوتقا جىبەرىلدى. 2021 -جىلعى 6 -ماۋسىمدا ونلاين رەجيمدە سوت ءوتتى. سوت وتىرىسىندا اۋىل تۇرعىنى اكىمشىلىك قۇقىق بۇزۋشىلىق تۋرالى حاتتامادا باياندالعان ءمان- جايلاردى راستاي وتىرىپ، جاسالعان قۇقىق بۇزۋشىلىق كىناسىن مويىندادى. سوت كىنالى ادامدى ق ر ا ق ب ك 434-بابىنىڭ 1-تارماعىندا كوزدەلگەن اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىدى جانە 1 (ءبىر) تاۋلىك مەرزىمگە اكىمشىلىك قاماۋعا الۋ تۇرىندە اكىمشىلىك جازاعا تارتتى»، - دەپ اتاپ ءوتتى پوليتسيا.

اۆتور: اياۋلىم التىنبەك