ەلورداداعى «مەچتا» ساۋدا ۇيىندە ۆاكسيناتسيا پۋنكتى اشىلدى

نۇر-سۇلتان. قازاقپارات - نۇر-سۇلتاندا ۆاكسيناتسيا جۇرگىزىلەتىن جاڭا ورىن اشىلدى.

بۇل پۋنكت رەسپۋبليكا داڭعىلىندا ورنالاسقان «مەچتا» ساۋدا ورتالىعىنىڭ 1-قاباتىندا ورنالاسقان، دەپ حابارلايدى قالا اكىمدىگىنىڭ رەسمي سايتى.

بۇل تۇرعىنداردى كوروناۆيرۋس ينفەكسياسىنا قارسى ۆاكسيناتسيامەن قامتۋ ماقساتىندا جۇرگىزىلىپ وتىر.

ايتا كەتەيىك، ساۋدا ۇيلەرى مەن قالا ورتالىقتارىندا ۆاكسيناتسيالاۋ ورىندارىن ۇيىمداستىرۋ نۇر- سۇلتان قالاسى سانيتارلىق-ەپيدەميولوگيالىق باقىلاۋ دەپارتامەنتىمەن بىرلەسىپ جۇرگىزىلەدى.

جاڭا ورىنداردىڭ سانيتارلىق تالاپتارعا سايكەستىگى مەن نورمالاردىڭ ساقتالۋى قارالادى.

ەلوردادا وسىعان دەيىن ەكپە پۋنكتەرى «Mega Silk Way»، «Keruen»، «حان شاتىر» جانە «ابۋ-دابي پلازا»، «ازيا پارك»، «سارىارقا» س و و- لارىندا، سول سياقتى «الەم» جانە «eurasia» ساۋدا ۇيلەرىندە اشىلعان بولاتىن. قالا اكىمى التاي كولگىنوۆتىڭ تاپسىرماسى بويىنشا ۆاكسيناتسيا پۋنكتەرى 3 ەسەگە ارتتى. نۇر-سۇلتاندا 5 - ماۋسىمداعى جاعداي بويىنشا 166 مىڭنان استام ادام ۆاكسينانىڭ 1 كومپونەنتىن الدى.