تراسسادا جانىپ كەتكەن ەكى ايەلگە كومەكتەسپەك بولعان كۋاگەر ۆيدەو جاريالادى

None
None
تالدىقورعان. قازاقپارات - الماتى-قورعاس جولىندا ەكى ايەلدىڭ كولىكتە تىرىدەي ورتەنىپ كەتكەنى تۋرالى وقيعانىڭ ۆيدەوسى جاريالاندى، دەپ حابارلايدى قازاقپارات ءتىلشىسى.

كولىكتىڭ جانعان ءساتى كومەك كورسەتۋ ءۇشىن توقتاعان ماشينانىڭ ۆيدەوتىركەگىشىنە جازىلعان.

ۆيدەودان جول جيەگىندە تۇرعان اۆتوكولىكتىڭ الدىمەن تۇتىندەپ، كەيىن قىزىل جالىنعا ورانعانىن كورۋگە بولادى. سول ساتتە ەر ادام كولىكتىڭ الدىڭعى ەسىگىن اشىپ شىعادى. ارتقى ەسىك اشىلعانىمەن، باسقا ەشكىم شىعىپ ۇلگەرمەيدى، كولىك ورتكە ورانادى. وزگە كولىكتىڭ جۇرگىزۋشىسى ماشيناسىن بىردەن توقتاتىپ، ءورت سوندىرەتىن قۇرىلعىسىن الا جۇگىرەدى. الايدا، جالىندى ءوشىرۋ مۇمكىن بولمايدى.

«ەكى ايەل ادام تىرىدەي جانىپ كەتتى. مەن كومەكتەسۋگە بارىنشا تىرىستىم. ءبىراق ءورتتى ءوشىرۋ مۇمكىن بولمادى»، - دەپ جازعان ۆيدەو اۆتورى.

ەستەرىڭىزگە سالا كەتەيىك، 3- ماۋسىم كۇنى «الماتى-قورعاس» اۆتوجولىنىڭ 82-شاقىرىمىندا جەڭىل اۆتوكولىك ورتەندى. كولىك سالونىندا ەكى ايەل تىرىدەي جانىپ كەتتى. وقيعا ورنىنان ۆيدەو تۇسىرگەن كۋاگەرلەردىڭ سوزىنشە، كولىك قىزىل جالىنعا ورانعاندا ولار ىشىندە ۇيىقتاپ جاتقان.


ال قۇتقارۋشىلار دەر كەزىندە وقيعا ورنىنا جەتە الماعان. سەبەبى، جاقىن ماڭدا ءورت ءسوندىرۋ قىزمەتى بولماعان. ءورتتىڭ شىعۋ سەبەبى انىقتالۋدا.

«شاقىرۋ ورنىنا الماتى وبلىسى ت ج د 4 قىزمەتكەرى مەن 1 تەحنيكاسى شىقتى. جانعان جەردەن ءورت ءسوندىرۋ بولىمىنە دەيىن قاشىقتىق 45 كيلومەتردى قۇرادى. ءورت ورنىندا اۆتوكولىك سالونىندا 2 جولاۋشىنىڭ جانىپ كەتكەن دەنەسى تابىلدى»، - دەدى الماتى وبلىستىق ت ج د باسپا ءسوز قىزمەتىنىڭ رەسمي وكىلى ازامات جۇرتبايەۆ.

سوڭعى جاڭالىقتار