كاسپي تەڭىزىنىڭ سۋ دەڭگەيى تومەندەپ بارادى

None
None
نۇر-سۇلتان. قازاقپارات - كاسپي تەڭىزىنىڭ سۋ دەڭگەيى تومەندەپ بارادى.

بۇل تۋرالى ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ «ECOJER» حالىقارالىق كونگرەسى بارىسىندا ايتتى، دەپ حابارلايدى قازاقپارات ءتىلشىسى.

«كاسپي تەڭىزى دە جەكە نازار اۋدارۋدى تالاپ ەتەدى. 2006-جىلدان باستاپ تەڭىز دەڭگەيى تومەندەپ كەلە جاتىر. 2020-جىلعا قاراي تەڭىز دەڭگەيى 1 مەتردەن استامعا تومەندەپ، بالتىق جۇيەسى بويىنشا مينۋس 28,23 مەترگە جەتىپ قالدى. كاسپي تەڭىزىنىڭ تاريحىنا قاراعاندا، تەڭىز دەڭگەيىنىڭ مينۋس 28,5 مەتر بەلگىگە تومەندەۋى ونىڭ ەكوجۇيەسى ءۇشىن قاتەرلى سانالادى»، - دەدى مينيستر.

ونىڭ اتاپ وتۋىنشە، بۇل جايت كاسپي تەڭىزىنىڭ اسىرەسە قازاقستاندىق سەكتورىنداعى جاعالاۋ بەلدەۋىنىڭ وزگەرۋىنە الىپ كەلدى.

«وسى ارالىقتا تەڭىزدىڭ سۋ بەتىنىڭ اۋدانى 22 مىڭ شارشى شاقىرىمنان استام قىسقاردى. بۇعان قوسا، ونىڭ جارتىسى سولتۇستىك كاسپيدىڭ قازاقستاندىق بولىگىنە تيەسىلى»، - دەدى ماعزۇم مىرزاعاليەۆ.


سوڭعى جاڭالىقتار