الماتى مەن سامارقان اراسىندا جاڭا حالىقارالىق رەيس ىسكە قوسىلادى
رەيستەر ا-320/321 ءتيپتى اۋە كەمەلەرىندە «ەير استانا» (3,7 كۇندەرى) جانە Uzbekistan Airways (2,6 كۇندەرى) اۋە كومپانيالارىنىڭ ۇشاعىمەن اپتاسىنا 4 مارتە جاسالادى.
«جاڭا حالىقارالىق باعىتتىڭ اشىلۋى قازاقستان مەن وزبەكستان اراسىنداعى ساۋدا- ەكونوميكالىق، مادەني جانە تۋريستىك قاتىناستاردى ودان ءارى دامىتۋعا ىقپال ەتەدى» دەپ ءمالىم ەتتى ازاماتتىق اۆيۋاتسيا كوميتەتى.
رەيستەر سانيتارلىق- ەپيدەميولوگيالىق تالاپتاردى قاتاڭ ساقتاي وتىرىپ جانە اۋە كومپانيالاردىڭ سايتتارىندا جاريالانعان كەستەگە سايكەس ورىندالادى. سونىمەن قاتار، بيىلعى ناۋرىز ايىندا قازاقستان مەن وزبەكستان اراسىندا اقتاۋ - ۇرگەنىش جاڭا حالىقارالىق رەيسى ىسكە قوسىلعان بولاتىن.
رەيستەردى SCAT جانە Uzbekistan Airways اۋە كومپانيالارى ورىندايدى. جالپى، قازىرگى ۋاقىتتا ەكى ەل اراسىندا نۇر- سۇلتان - تاشكەنت، الماتى - تاشكەنت جانە اقتاۋ - ۇرگەنىش باعىتتارى بويىنشا 24 تۇراقتى رەيس بار.