18:33, 01 - ماۋسىم 2021 | GMT +6
اقمولا وبلىسىندا وزەن جاعاسىنان ەكى ايەلدىڭ ءمايىتى تابىلدى
كوكشەتاۋ. قازاقپارات - اقمولا وبلىسىنداعى شاعالالى وزەنىنىڭ جاعاسىندا ەكى ايەلدىڭ دەنەسى تابىلدى، دەپ حابارلايدى قازاقپارات ءتىلشىسى.
وبلىستىق پ د باسپا ءسوز قىزمەتىنىڭ مالىمەتىنشە، 29- مامىردا تۇرعىنداردىڭ ءبىرى 2 ايەلدىڭ تەمىرجول ساياجايى اۋماعىنداعى شاعالالى وزەنىنە قاراي كەتىپ، قايتىپ كەلمەگەنى تۋرالى كەزەكشى بولىمگە حابارلاعان.
«ءتارتىپ ساقشىلارى ساياجايلاردان شىعىس باعىتتا 10-15 مەتر قاشىقتىقتان 39 جانە 42 جاستاعى ايەلدىڭ دەنەلەرىن تاپتى. جەدەل تەرگەۋ شارالارى بارىسىندا سوت - مەديتسينالىق توپ ولاردىڭ دەنەسىندە كۇش قولدانۋدىڭ بەلگىلەرىن بايقامادى. قازىرگى كەزدە، مايىتتەر اقمولا وبلىسى بويىنشا سوتتىق مەديتسينا ينستۋتىنا جىبەرىلدى»، - دەدى ۆەدومستۆودان.