+7 (701) 759 90 19
1 °С : نۇر-سۇلتان
13 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

پرەزيدەنت كونستيتۋتسيالىق كەڭەستىڭ ءتوراعاسىن قابىلدادى

1 ماۋسىم 17:42
:ءبولىسۋ
پرەزيدەنت كونستيتۋتسيالىق كەڭەستىڭ ءتوراعاسىن قابىلدادى

نۇر-سۇلتان. قازاقپارات - پرەزيدەنت قاسىم-جومارت توقايەۆ كونستيتۋتسيالىق كەڭەستىڭ ءتوراعاسى قايرات ماميدى قابىلدادى، دەپ حابارلايدى اقوردا.

مەملەكەت باسشىسىنا كونستيتۋتسيالىق كەڭەستىڭ الداعى پارلامەنت پالاتالارىنىڭ بىرلەسكەن وتىرىسىندا ەلىمىزدەگى كونستيتۋتسيالىق زاڭدىلىقتاردىڭ جاي-كۇيى تۋرالى جاسايتىن كەزەكتى جولداۋىنا دايىندىق بارىسى باياندالدى.

كونستيتۋتسيالىق كەڭەس ءتوراعاسىنىڭ ايتۋىنشا، اتالعان ماڭىزدى قۇجاتتا كونستيتۋتسيالىق ءىس جۇرگىزۋ پراكتيكاسى قورىتىندىلانادى. قازىرگى زاڭنامادا جانە ونى قولدانۋ تاجىريبەسىندە كونستيتۋتسيالىق نورمالاردىڭ ىسكە اسىرىلۋى، كونستيتۋتسيالىق كەڭەس شەشىمدەرىنىڭ ورىندالۋىنا باعا بەرىلەدى.

سونىمەن قاتار ازاماتتاردىڭ كونستيتۋتسيالىق قۇقىقتارى مەن بوستاندىقتارىن ساقتاۋ جانە قورعاۋ ماسەلەلەرى قارالادى.

قايرات ءمامي بيىلعى جولداۋ تاۋەلسىزدىكتىڭ 30 جىلدىعىنا ارنالاتىنىن جانە كونستيتۋتسيالىق كەڭەس رەسپۋبليكاداعى زاڭ ۇستەمدىگىن ودان ءارى كۇشەيتۋ جونىندە ناقتى ۇسىنىستار جاسايتىنىن اتاپ ءوتتى.

پرەزيدەنت كونستيتۋتسيانىڭ قازاقستان مەملەكەتتىلىگى مەن ەل جەتىستىگىنىڭ نەگىزى بولىپ تابىلاتىنىن ايتتى. وسى ورايدا، كونستيتۋتسيالىق كەڭەستىڭ قىزمەتى اتا زاڭ ەرەجەلەرىن جۇزەگە اسىرۋدا ماڭىزدى ءرول اتقاراتىنىنا توقتالدى.

مەملەكەت اۋماعىندا كونستيتۋتسيا ۇستەمدىگىن قامتاماسىز ەتۋ ەل دامۋىنىڭ مىندەتتى شارتى ەكەنىن اتاپ ءوتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات