+7 (701) 759 90 19
8 °С : نۇر-سۇلتان
24 °С : الماتى
USD 424.92 EUR 500.09
RUB 5.87 CNY 65.92
جاڭالىقتار

الماتى وبلىسىندا كوپقاباتتى ءۇيدىڭ توبەسى وپىرىلىپ ورتاسىنا ءتۇستى

26 مامىر 21:27
:ءبولىسۋ
الماتى وبلىسىندا كوپقاباتتى ءۇيدىڭ توبەسى وپىرىلىپ ورتاسىنا ءتۇستى

تالدىقورعان. قازاقپارات - الماتى وبلىسىندا كوپقاباتتى ءۇيدىڭ توبەسى وپىرىلىپ ورتاسىنا ءتۇسىپ، ءبۇتىن ءبىر وتباسى ءبىر اجالدان امان قالدى.

تەكەلى قالاسىنداعى ەكى قاباتتى بۇل ءۇي ءۇش جىل بۇرىن اپاتتى دەپ تانىلعان، دەپ حابارلايدى قازاقپارات ءتىلشىسى.

«بۇگىن ساعات 11:30 شاماسىندا ءۇيدىڭ توبەسى قۇلادى. بالام ىشىندە ۇيىقتاپ جاتقان. قۇلاعان داۋىسىنان ويانىپ، مەن جۇگىرىپ ۇيگە كىرىپ، ەكى كىشكەنتاي بالامدى الىپ شىقتىم. قازىر ءبىر ولىمنەن قالدىق. ءبىر ۇيدە جەتى جانبىز»، - دەيدى تەكەلى قالاسىنىڭ تۇرعىنى جىگەرحان ادايحان ۇلى.

قاڭىراعان ەكى قاباتتى ءۇيدى پانا ەتكەن جالعىز وتباسى قازىر ءۇيىندىنىڭ ورتاسىندا ۇرەيمەن ءومىر ءسۇرىپ وتىر. 12 پاتەرلى بۇل ۇيدە ادايحان ۇلىنىڭ جانۇياسى عانا تۇرىپ جاتىر. سەبەبى، بۇل وتباسىنىڭ باسقا بارار جەرى جوق.

ال توبەسى، ىرگەسى ءشىرىپ، قۇلاعالى تۇرعان اپاتتى ۇيدەن جالعىز شاڭىراقتى اكىمدىكتەگىلەر باسقا جەرگە كوشىرۋگە كومەك كورسەتپەگەن. بيۋجەتتە اقشا جوق دەپ جىلى شىعارىپ سالىپ وتىرعان.

جالپى تەكەلى قالاسىندا وسىنداي اپاتتى 19 ەكى قاباتتى ءۇي بار. سۇرقىنىڭ ءوزى ادامدى شوشىتادى. مۇرجاسىن تەرەزەدەن شىعارعان تۇرعىندار وسىندا امالداپ ءومىر ءسۇرىپ جاتىر.

«وسى ۇيگە 2020-جىلى بيۋجەتكە ۇسىنىس ەنگىزىلگەن. الايدا ءالى اقشا قاراجات بولىنبەگەن. قازىر وسى جارتىجىلدىقتا قايتادان اقشاعا سۇرانىس جىبەرەمىز»، - دەيدى تەكەلى قالالىق تۇرعىن ءۇي-كوممۋنالدىق شارۋاشىلىعى ءبولىمىنىڭ باسشىسى ايان رىسبەكوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات