19:43, 24 - مامىر 2021 | GMT +6
استانادا بىرنەشە مەكتەپكە بومبا قويىلعانى تۋرالى جالعان حابار تارادى
نۇر-سۇلتان. قازاقپارات - بۇگىن بەلگىسىز بىرەۋلەر مەكتەپتەردىڭ ەلەكتروندى پوشتاسىنا حات جولداپ، مەكتەپكە جارىلعىش زات قويىلعانىن ايتقان.
بۇل جايىندا پوليتسيانىڭ «102» ارناسىنا بىرنەشە شاقىرتۋ كەلىپ ءتۇستى، دەپ حابارلايدى قازاقپارات.
قازىرگى كەزدە مەكتەپتەردىڭ اۋماعىنان ادامداردى كوشىرۋ اياقتالدى. جارىلعىش زات تابىلعان جوق.
اتالعان فاكتى بويىنشا سوتقا دەيىنگى تەرگەپ-تەكسەرۋ باستالدى. جەدەل-ىزدەستىرۋ شارالارى جۇرگىزىلىپ جاتىر.
نۇر-سۇلتان قالاسىنىڭ پوليتسيا دەپارتامەنتى جارىلعىش زات قويىلعانى تۋرالى كورىنەۋ جالعان حابارلاما ءۇشىن قىلمىستىق جاۋاپكەرشىلىك قاراستىرىلعانىن ەسكەرتەدى.
«ازاماتتاردان دۇربەلەڭ تۋدىرماۋدى جانە مەسسەندجەرلەردە جالعان حابارلامانى تاراتپاۋدى سۇرايمىز» دەپ ەسكەرتەدى پوليتسيا .