ورالدا ورىستىڭ ۇلى اقىنى پۋشكيننىڭ «سىڭارى» قايتىس بولدى

نۇر-سۇلتان. قازاقپارات - ورالدا ۆلاديسلاۆ بۋكرەيەۆ 74 جاسىندا ومىردەن ءوتتى.

بۇل تۋرالى ونىڭ جارى ەستىرتتى.

ۆلاديسلاۆ بۋكرەيەۆ ورىستىڭ ۇلى اقىنى الەكساندر سەرگەيەۆيچ پۋشكيننىڭ الەمدە رەسمي مويىندالعان جالعىز ەگىزى. ول بۇل مارتەبەنى 1980 -جىلى لەنينگرادتا وتكەن حالىقارالىق بايقاۋدا العان.

جەڭىمپاز ديپلومىندا: «بۇل ديپلومنىڭ وكىلى ا. س. پۋشكين دەپ اتالۋعا قۇقىلى» دەپ جازىلعان.

سودان بەرى بۋكرەيەۆ ورالدىڭ ۆيزيت كارتاسىنا اينالدى. ول پۋشكين رولدەرىنە وستروۆسكي اتىنداعى ورىس دراما تەاترىنا شاقىرىلىپ تۇرعان.

«وتە جارقىن ادام ەدى. ءبىز ومەن كەرەمەت فوتوسەسسيالار جاسادىق. ول مەيىرىمدى، جاقسى ادام بولعان. ونىڭ جاقىندارى مەن تۋىستارىما كوڭىل ايتامىن»، - دەدى فوتوگراف ءارى جۋرناليست وكسانا كاتكوۆا.

ۆلاديسلاۆ بۋكرەيەۆپەن قوشتاسۋ ءراسىمى 25-مامىردا وتەدى.

Tengrinews.kz