+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

الماتى وبلىسىندا جۇرگىزۋشى جاياۋ جۇرگىنشىنى قاساقانا تۇردە كولىگىمەن جانشىپ ولتىرگەن

20 مامىر 22:12
:ءبولىسۋ
الماتى وبلىسىندا جۇرگىزۋشى جاياۋ جۇرگىنشىنى قاساقانا تۇردە كولىگىمەن جانشىپ ولتىرگەن

تالدىقورعان. قازاقپارات - الماتى وبلىسىندا جۇرگىزۋشى جاياۋ جۇرگىنشىنى قاساقانا تۇردە كولىگىمەن باسىپ، قاشىپ كەتكەن.

زارداپ شەككەن تۇرعىن وقيعا ورنىندا كوز جۇمعان، - دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 19- مامىر كۇنى ساعات 19:00 شاماسىندا قاراساي اۋدانىنىڭ پوليتسيا باسقارماسىنا حابارلاما تۇسكەن.

ياعني، قاسكەلەڭ قالاسىندا 50 جاستاعى جەرگىلىكتى تۇرعىنمەن بەلگىسىز ازاماتتىڭ اراسىندا كيكىلجىڭ تۋىنداپ، كولىك يەسى قاساقانا تۇردە جەتكىلىكتى تۇرعىندى كولىگىمەن باسىپ، قاشىپ كەتكەندىگى جونىندە ايتىلعان.

اتالعان فاكتى ق ر ق ك 99-بابى ياعني، «ادام ءولتىرۋ» بويىنشا تىركەلىپ، ءتارتىپ ساقشىلارى وقيعا ورنىنا بارعان.

«كۋاگەرلەردىڭ ايتۋى بويىنشا، كولىكتىڭ ماركاسى مەن باعىت العان مەكەنجايى انىقتالعان. ىزدەۋگە كىرىسكەن پوليتسەيلەر اۋىلدىڭ شەتىنەن «فولكسۆاگەن گولف-3» كولىگىن تاپقان. سول ماڭنان ونىڭ 61 جاستاعى يەسى تابىلعان. ول قاسكەلەڭ قالاسىنىڭ تۇرعىنى بولىپ شىقتى»، - دەلىنگەن ۆەدومستۆونىڭ حابارلاماسىندا.

ۇستالعان جۇرگىزۋشىنىڭ جەڭىل دارەجەدە ىشىمدىك ىشكەنى انىقتالدى. ول بولعان وقيعا بويىنشا كىناسىن جوققا شىعارمادى. انىقتالعانداي، جابىرلەنۋشى مەن كۇدىكتىنىڭ اراسىنداعى جانجال جول ەرەجەسىنە بايلانىستى تۋىنداعان. جاياۋ جۇرگىنشى كولىكتىڭ ۇستىنە شىعىپ، تەرەزەسىن ۇرا باستاعان. سول ساتتە جۇرگىزۋشى كولىكتى قوزعالتىپ، بىردەن توقتاتىپ، ادامدى جەرگە تۇسىرگەن.

وسى ساتتە كۇدىكتى كولىگىمەن قاساقانا تۇردە ادامدى باسىپ، وقيعا ورنىنان قاشىپ كەتكەن.

قازىر 61 جاستاعى ازامات قاماۋعا الىندى. سوتقا دەيىنگى تەرگەۋ جۇرگىزىلىپ جاتىر.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات