+7 (701) 759 90 19
USD 425.95 EUR 495.12
RUB 6 CNY 66.6
جاڭالىقتار

ەلورداداعى «جاسىل بەلدەۋدىڭ» دامۋى جايلى التاي كولگىنوۆ ايتىپ بەردى

20 مامىر 20:42
:ءبولىسۋ
ەلورداداعى «جاسىل بەلدەۋدىڭ» دامۋى جايلى التاي كولگىنوۆ ايتىپ بەردى

نۇر-سۇلتان. قازاقپارات - نۇر-سۇلتانداعى «جاسىل بەلدەۋدىڭ» قالاي دامىپ جاتقانى تۋرالى ەلوردا اكىمى التاي كولگىنوۆ ايتىپ بەردى، دەپ حابارلايدى قازاقپارات قالا اكىمىنىڭ Instagram جەلىسىندەگى پاراقشاسىنا سىلتەمە جاساپ.

«ەلوردانىڭ «جاسىل بەلدەۋى» - قالا قالقانى. قالانىڭ كليماتى تىم كونتينەنتتىك ەكەنىن ەسكەرە وتىرىپ، «جاسىل بەلدەۋ» ەكولوگيانى ايتارلىقتاي جاقسارتىپ قانا قويماي، كليماتتىق جاعدايدى جۇمسارتۋعا مۇمكىندىك بەرەدى. ءبىزدىڭ مىندەتىمىز - قالانىڭ «وكپەسى» سانالاتىن «جاسىل بەلدەۋدى» قورەكتەندىرۋ.

تەك بيىلدىڭ ءوزى وسى اۋماقتا 900 مىڭعا جۋىق كوشەت وتىرعىزامىز. ولاردىڭ جارتىسى وتىرعىزىلىپ ۇلگەردى. جالپى «جاسىل بەلدەۋ» اۋماعىندا 9,6 ميلليوننان استام اعاش پەن 1,8 ميلليونعا جۋىق بۇتالار وسەدى. سونىمەن قاتار فاۋنانى دامىتۋمەن دە اينالىسامىز. قۇستاردىڭ، ونىڭ ىشىندە قىرعاۋىل سانىن كوبەيتۋ ءۇشىن فازاناريدى كەڭەيتۋ جانە قايتا قۇرۋ جۇمىستارى جۇرگىزىلدى. بۇل بىزگە قىرعاۋىل سانىن جىلىنا 2 مىڭ قۇسقا دەيىن ارتتىرۋعا مۇمكىندىك بەرەدى.

مىسالى، قىرعاۋىلداردى ءوسىرۋ - زيانكەستەردەن (جاندىكتەردەن) قورعاۋدىڭ بيولوگيالىق ءادىسى، سونىمەن قاتار قىرعاۋىلداردىڭ تىرشىلىك ەتۋ ورتاسىنىڭ كەڭەيۋىنە ىقپال ەتەدى. سونىمەن قاتار «جاسىل بەلدەۋ» اۋماعىندا قويان، تۇلكى، قارساق، كەكىلىك جانە ت. ب. تىرشىلىك ەتەدى.

سونداي-اق بەلدەۋ اۋماعىندا ات جولىن سالۋ جۇمىستارىن جۇرگىزەمىز. ۋاقىتتى بەلسەندى وتكىزۋ ءۇشىن سكەيتبوردينگكە ارنالعان الاڭداردى جايلاستىرامىز، تەننيس، فۋتبول الاڭدارىن، بالالار ويىن ايماقتارىن جانە ت. ب. ورناتامىز، سونداي-اق جاياۋ سەرۋەندەۋگە جانە كروسس-كانتري ساباقتارىنا ارنالعان جولداردى سالامىز.

سونىمەن قاتار قالا تۇرعىندارىنا ۇناعان ۆەلوجول جەلىسىن كەڭەيتۋدەمىز. «جاسىل بەلدەۋ» ماڭىندا قولدانىستاعى يپپودروم بازاسىندا ەرەكشە قاجەتتىلىگى بار بالالاردى وڭالتۋعا ارنالعان ات-سپورت كەشەنىنىڭ قۇرىلىسىن جۇرگىزىپ جاتىرمىز. يپپودروم بازاسىن ءۇش باعىت بويىنشا دامىتامىز:

يپپوتەراپيا، ۇلتتىق جانە كلاسسيكالىق سپورت تۇرلەرىن وتكىزۋ جانە دايىنداۋ، سونداي-اق تۋريستىك مارشرۋتتار - بۇل جەردە اتپەن سەرۋەندەۋ دامىتىلادى.

وسىلايشا «جاسىل بەلدەۋ» قالا قالقانىنان باسقا، قالا تۇرعىندارى مەن قوناقتارى ءۇشىن تارتىلىس ورنى سانالادى، ول تازا اۋادا ۋاقىت وتكىزۋ ءۇشىن بارىنشا قولايلى جانە تارتىمدى»، - دەپ قورىتتى اكىم.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات