+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

اقمولا وبلىسىندا «ءتىل شەبەرى» بايقاۋىنىڭ جۇلدەگەرلەرى انىقتالدى

20 مامىر 20:13
:ءبولىسۋ
اقمولا وبلىسىندا «ءتىل شەبەرى» بايقاۋىنىڭ جۇلدەگەرلەرى انىقتالدى

كوكشەتاۋ. قازاقپارات - اقمولا وبلىسىندا قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي، ءۇش ءتىلدى مەڭگەرگەن جاستار اراسىندا «ءتىل شەبەرى» وبلىستىق ونلاين-بايقاۋى ءوتتى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

جاس مامانداردى قولداۋ، ءتىل مادەنيەتىن ارتتىرۋعا ىقپال ەتۋ، جاستاردىڭ ءتىل ۇيرەنۋگە دەگەن قىزىعۋشىلىعىن ارتتىرۋ جانە باسەكەگە قابىلەتتى تۇلعانى تاربيەلەۋ ماقساتىندا ۇيىمداستىرىلعان بايقاۋعا 21-35 جاس ارالىعىنداعى 12 ۇمىتكەر قاتىستى.

جۇلدەگەرلەر ءتىلدى ءبىلۋ دەڭگەيى، جاۋاپتاردىڭ ساپاسى مەن مازمۇندىلىعى، دۇرىس ايتىلۋى مەن جازىلۋى بويىنشا انىقتالدى. ونىڭ ىشىندە 3- ورىنعا گۋلدانا بەيسەنبەك لايىق دەپ تانىلسا، 2 ورىندى جۇلدىز ەحسانوۆا الدى، ال «ءتىل شەبەرى» ءمولدىر جۇمابەك قىزى اتاندى.

«بارلىق قاتىسۋشىلار وتە لايىقتى بولدى. ولاردىڭ ءارقايسىسى تىلدەردى جەتىك مەڭگەرگەنىن كورسەتتى. بارلىق ۋاقىتتا بىرنەشە ءتىلدى مەڭگەرگەن حالىق ءوزىنىڭ كوممۋنيكاتيۆتىك جانە ينتەگراتسيالىق قابىلەتىن كەڭەيتتى. سوندىقتان بۇگىنگى بايقاۋ قاتىسۋشىلارعا كوپتىلدىلىكتى بىلۋگە جانە باسەكەگە قابىلەتتىلىككە ۇمتىلۋعا مۇمكىندىك بەرەدى. ويتكەنى، بىرنەشە تىلدە ەركىن سويلەي جانە جازا بىلەتىن ادام ءوز ەلىندە دە، شەتەلدە دە باسەكەگە قابىلەتتى تۇلعا بولادى»، - دەپ ءبولىستى قازىلار القاسىنىڭ ءتوراعاسى ايناگۇل بەيسەمبينا.

بايقاۋ جۇلدەگەرلەرى ديپلومدارمەن، العىس حاتتارمەن جانە باعالى سىيلىقتارمەن ماراپاتتالادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات