نۇر-سۇلتان قالالىق پوليتسيا دەپارتامەنتىنىڭ لاۋازىم يەلەرى ۇستالدى
«سىبايلاس جەمقورلىقتى جويۋ، ءوز ارالارىندا ءتارتىپ ورناتۋ، سونداي-اق حالىقتىڭ سەنىم دەڭگەيىن ارتتىرۋ ماقساتىندا نۇر-سۇلتان قالاسى پوليتسيا دەپارتامەنتىنىڭ باسشىلىعى لاۋازىمدىق وكىلەتتىكتەرىن اسىرا پايدالانۋ فاكتىلەرىن انىقتادى»، - دەلىنگەن پوليتسيا دەپارتامەنتىنىڭ باسپا ءسوز قىزمەتىنىڭ حابارلاماسىندا.
ولار نۇر-سۇلتان قالاسى پوليتسيا دەپارتامەنتى انىقتاۋ باسقارماسىنىڭ باستىعى جانە وسى دەپارتامەنتتىڭ باسقا دا لاۋازىمدى تۇلعالارى بولىپ شىققان. قازىرگى ۋاقىتتا ولارعا قاتىستى تەرگەۋ-جەدەل ءىس-شارالارى جۇرگىزىلىپ جاتىر.
«مەنىڭ تاپسىرمام بويىنشا نۇر-سۇلتان قالاسى پوليتسيا دەپارتامەنتىنىڭ وزىندىك قاۋىپسىزدىك باسقارماسى دەپارتامەنتتىڭ ورتا بۋىن باسشىلارىنا جانە باسقا دا لاۋازىمدى تۇلعالارىنا قاتىستى سىبايلاس جەمقورلىق كورىنىستەرى فاكتىلەرى بويىنشا تەكسەرۋ جۇرگىزدى. تەكسەرۋ ناتيجەلەرى بويىنشا ولارعا قاتىستى سوتقا دەيىنگى تەرگەۋ باستالدى»، - دەدى نۇر سۇلتان قالاسى پ د باستىعى ە. سادەنوۆ.
تەرگەۋ مۇددەسى ماقساتىندا ەگجەي-تەگجەيلى اقپارات جاريالانبايدى.